(ਸਮਾਜ ਵੀਕਲੀ)
ਕੁਝ ਖਾਲੀ ਜੋ ਭਰ ਜਾਣਾ ਏ,
ਭਰਿਆ ਖਾਲੀ ਕਰ ਜਾਣਾ ਏ !
ਮੰਦਰ ਵਿਚ ਨਮਾਜ ਪੜੀ ਏ,
ਰਹਿੰਦਾ ਫਰਕ ਵੀ ਮਰ ਜਾਣਾ ਏ !
ਉਂਝ ਅੱਲ੍ਹਾ ਅੱਲ੍ਹਾ ਮੈਂ ਵੀ ਕਰਦੀ,
ਚੱਲ ਹੁਣ ਹਰ ਦੇ ਘਰ ਜਾਣਾ ਏ !
ਲੰਗਰ ਵਿੱਚ ਬਹਿ ਫਰਕ ਨਾ ਕੀਤਾ,
ਤਾਂਹੀ ਭਵ – ਸਾਗਰ ਤਰ ਜਾਣਾ ਏ !
ਸੌਖਾ ਨਈ ਗਾ ਚੁੱਪ ਤੋਂ ਚੁੱਪ ਹੋਣਾ,
ਡਰ ਤੋਂ ਵੀ ਕਦੇ ਡਰ ਜਾਣਾ ਏ !
ਸਿਮਰ ਸਿਮਰ ਤੇ ਨਾਮ ਹੈ ਉਹਦਾ,
ਬਿਨ ਸਿਮਰੇ ਕੀ ਸਰ ਜਾਣਾ ਏ ?
ਲਿਖਤ :- ਸਿਮਰਨਜੀਤ ਕੌਰ ਸਿਮਰ
.
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
