(ਸਮਾਜ ਵੀਕਲੀ)
ਚੜ੍ਹਿਆ ਦਸੰਬਰ ਹੁਣ ਬਾਲ ਚੇਤਾ ਆਉਣਗੇ,
ਜਾ ਕੇ ਫਤਿਹਗੜ੍ਹ ਸਾਹਿਬ ਲੋਕੀਂ ਲੰਗਰ ਲਗਾਉਣਗੇ।
ਲਿਖਣੇ ਨੂੰ ਬੈਠੀ ਆਂ ਖਿਆਲ ਵੀ ਤੇ ਆਉਣਗੇ,
ਸਮੇਂ ਵਾਲੇ ਸੱਚ ਮੈਨੂੰ ਬੜਾ ਹੀ ਸਤਾਉਣਗੇ।
ਹੋ ਕੇ ਸਾਰੇ ਇਕੱਠੇ ਦਾਨ ਇੰਝ ਕਰ ਆਉਣਗੇ,
ਜਲੇਬੀਆਂ,ਪਕੌੜੇ ਬਣਾ ਅਫਸੋਸ ਏ ਜਤਾਉਣਗੇ।
ਬਣੇ ਪਕਵਾਨ ਲੋਕੀਂ ਘਰਾਂ ਵਿੱਚ ਢੋਹਣਗੇ,
ਵੇਖ ਬਾਬਾ ਸ਼ਹੀਦੀ ਜੋੜ ਕਿਵੇਂ ਮਨਾਉਣਗੇ।
ਤੇਰੇ ਦਰ ਆ ਕੇ ਵੀ ਜੋਰ ਪੈਸੇ ਦਾ ਹੀ ਲਾਉਣਗੇ,
ਲੀਡਰ ਵੀ ਗੁਣ ਆ ਸਿਆਸਤ ਦੇ ਗਾਉਣਗੇ।
ਕਿਵੇਂ ਲਿਖ ਬੱਚਿਆਂ ਦੇ ਕੀਤੇ ਬਲੀਦਾਨ ਨੂੰ,
ਮੇਰੇ ਇਹ ਖਿਆਲ ਉਹਨਾਂ ਪਾਸ ਕੁ ਵੀ ਨਾ ਆਉਣਗੇ।
ਸਿਮਰਨਜੀਤ ਕੌਰ ਸਿਮਰ
ਪਿੰਡ :- ਮਵੀ ਸੱਪਾਂ ( ਸਮਾਣਾ )
