(ਸਮਾਜ ਵੀਕਲੀ)
ਲਿਖ ਨਾ ਮੈਥੋਂ ਹੋਇਆ ਸੱਜਣਾ,
ਖਿਆਲਾਂ ਨੂੰ ਅੰਬਰੀ ਚਾੜ੍ਹ ਬੈਠੀ ।
ਕੁਝ ਕੁ ਹਾਸੇ ਠੱਠੇ ਲਿਖ ਕੇ ,
ਦਰਦਾਂ ਨੂੰ ਅੱਗ ਚ’ ਸਾੜ ਬੈਠੀ ।
ਕੋਈ ਮਰਜ ਬਣਾ ਕੇ ਐਸਾ,
ਦੁੱਧ ਦੇ ਵਾਗੂੰ ਕਾੜ ਬੈਠੀ ।
ਸੋਚਾਂ ਦੇ ਸੀ ਵੱਡੇ ਘੇਰੇ ,
ਹੁਣ ਜਾਪੇ ਜਿਉਂ ਜਾੜ ਬੈਠੀ । (ਉਜਾੜ )
ਆਂ ਬੂਰ ਪਿਆ ਏ ਕਿਹੜੀ ਰੁੱਤੇ,
ਬੇਰੁੱਤਾ ਦੱਸ ਕੇ ਝਾੜ ਬੈਠੀ ।
ਇੱਕ ਕਿਤਾਬ ਐਸੀ ਪੜ੍ਹਦੇ ਪੜ੍ਹਦੇ,
ਉਹਦੇ ਵਰਕੇ ਕਿੰਨੇ ਪਾੜ ਬੈਠੀ ।
ਖੁਦ ਨੂੰ ਐਵੇਂ ਬਾਹਰੋਂ ਲੱਭਦਿਆਂ,
ਅੰਦਰ ਕੀ – ਕੀ ਵਾੜ ਬੈਠੀ ।
ਲਿਖ ਨਾ ਮੈਥੋਂ ਹੋਇਆ ਸੱਜਣਾ,
ਖਿਆਲਾਂ ਨੂੰ ਅੰਬਰੀਂ ਚਾੜ੍ਹ ਬੈਠੀ ।
ਸਿਮਰਨਜੀਤ ਕੌਰ ਸਿਮਰ
‘ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly