ਨੂਰਮਹਿਲ ਦੇ ਵਾਰਡ ਨੰਬਰ 12 ਦੀ ਮੀਟਿੰਗ ਨੂੰ ਕੌਸਲਰ ਅਨਿਲ ਮੈਹਨ, ਸੰਦੀਪ ਅਰੋੜਾ ਅਤੇ ਲਾਇਨ ਬਬਿਤਾ ਸੰਧੂ ਨੇ ਬਣਾਇਆ ਸਫਲ
ਨੂਰਮਹਿਲ ਨਕੋਦਰ ਮਹਿਤਪੁਰ (ਹਰਜਿੰਦਰ ਪਾਲ ਛਾਬੜਾ) (ਸਮਾਜ ਵੀਕਲੀ): ਜਲੰਧਰ ਲੋਕ ਸਭਾ ਜ਼ਿਮਨੀ ਚੋਣ ਦੇ ਸੰਬੰਧ ਵਿੱਚ ਕਾਂਗਰਸ ਪਾਰਟੀ ਦੀ ਸੂਝਵਾਨ, ਮਿਹਨਤੀ, ਪੜ੍ਹੀ ਲਿਖੀ, ਜੁਝਾਰੂ ਮਹਿਲਾ ਉਮੀਦਵਾਰ ਬੀਬੀ ਕਰਮਜੀਤ ਕੌਰ ਚੌਧਰੀ ਦੇ ਹੱਕ ਵਿੱਚ ਨੂਰਮਹਿਲ ਦੇ ਵਾਰਡ ਨੰਬਰ 12 ਵਿੱਚ ਕੌਂਸਲਰ ਅਨਿਲ ਮੈਹਨ ਪੱਪੀ, ਨੰਬਰਦਾਰ ਅਸ਼ੋਕ ਸੰਧੂ ਦੀ ਧਰਮ ਪਤਨੀ ਲਾਇਨ ਬਬਿਤਾ ਸੰਧੂ, ਸੰਦੀਪ ਅਰੋੜਾ ਬਾਬਾ ਕੋਕ ਦੇ ਯਤਨਾਂ ਸਦਕਾ ਭਰਵਾਂ ਇਕੱਠ ਕੀਤਾ ਗਿਆ ਜਿਸ ਵਿੱਚ ਕਾਂਗਰਸ ਪਾਰਟੀ ਦੇ ਸਿਰਮੌਰ ਲੀਡਰ ਸਾਬਕਾ ਕੈਬਨਿਟ ਮੰਤਰੀ ਰਾਣਾ ਗੁਰਜੀਤ ਸਿੰਘ ਐੱਮ.ਐਲ.ਏ, ਬਰਿੰਦਰਜੀਤ ਸਿੰਘ ਪਾਹੜਾ ਐੱਮ.ਐਲ.ਏ ਗੁਰਦਾਸਪੁਰ, ਹਰਮਿੰਦਰ ਸਿੰਘ ਗਿੱਲ ਸਾਬਕਾ ਐੱਮ.ਐਲ.ਏ ਪੱਟੀ, ਪ੍ਰੀਤਮ ਸਿੰਘ ਕੋਟ ਭਾਈ ਸਾਬਕਾ ਐੱਮ.ਐਲ.ਏ, ਹੈਪੀ ਸੰਧੂ ਪ੍ਰਧਾਨ ਟਰੱਕ ਯੂਨੀਅਨ ਪੰਜਾਬ, ਕਾਂਗਰਸ ਪਾਰਟੀ ਦੇ ਹਲਕਾ ਇੰਚਾਰਜ ਨਕੋਦਰ ਡਾ: ਨਵਜੋਤ ਸਿੰਘ ਦਾਹੀਆ ਦੀ ਅਗਵਾਈ ਹੇਠ ਇਕੱਠੇ ਹੋਏ ਜਿਨ੍ਹਾਂ ਨੇ ਪ੍ਰਭਾਵਸ਼ਾਲੀ ਢੰਗ ਨਾਲ ਸਮੂਹ ਨੂਰਮਹਿਲ ਨਿਵਾਸੀਆਂ ਅਤੇ ਇਲਾਕੇ ਦੇ ਮਾਣਮੱਤੇ ਵੋਟਰਾਂ ਨੂੰ ਇੱਕ-ਇੱਕ ਕੀਮਤੀ ਵੋਟ ਬੀਬੀ ਕਰਮਜੀਤ ਕੌਰ ਚੌਧਰੀ ਦੇ ਹੱਕ ਵਿੱਚ 10 ਮਈ ਨੂੰ ਪੰਜੇ ਦਾ ਬਟਨ ਦਬਾਕੇ ਲੱਖਾਂ ਵੋਟਾਂ ਦੀ ਤਾਦਾਦ ਨਾਲ ਜਿਤਾਉਣ ਲਈ ਪ੍ਰੇਰਿਤ ਕੀਤਾ। ਲੋਕਾਂ ਨੇ ਵੀ ਯਕੀਨ ਦਿਵਾਉਂਦੇ ਹੋਏ ਕਿਹਾ ਕਿ “ਜਿੱਤ ਤਾਂ ਬੀਬੀ ਚੌਧਰੀ ਦੀ ਪੱਕੀ ਹੈ ਬਸ ਐਲਾਨ ਹੋਣਾ ਹੀ ਬਾਕੀ ਹੈ”।
ਇਹ ਸੁਣਕੇ ਵਾਰਡ ਨੰਬਰ 12 ਵਿੱਚ ਪਹੁੰਚੀ ਕਾਂਗਰਸੀ ਲੀਡਰਸ਼ਿਪ ਬਾਗੋਬਾਗ ਹੋ ਗਈ। ਕਾਂਗਰਸ ਪਾਰਟੀ ਹਲਕਾ ਨਕੋਦਰ ਦੀਆਂ ਮਹਾਨ ਹਸਤੀਆਂ ਵਿੱਚ ਨਗਰ ਕੌਂਸਲ ਨੂਰਮਹਿਲ ਦੀ ਪ੍ਰਧਾਨ ਹਰਦੀਪ ਕੌਰ ਜੌਹਲ, ਸਿਟੀ ਪ੍ਰਧਾਨ ਰਾਕੇਸ਼ ਕਲੇਰ ਸਾਬਕਾ ਕੌਂਸਲਰ, ਬਲਾਕ ਪ੍ਰਧਾਨ ਬਲਜੀਤ ਸਿੰਘ ਜੌਹਲ, ਕੌਂਸਲਰ ਬਬਲੀ ਸੋਂਧੀ, ਕੌਂਸਲਰ ਜੰਗ ਬਹਾਦਰ ਕੋਹਲੀ ਵਾਈਸ ਪ੍ਰਧਾਨ, ਕੌਂਸਲਰ ਦੀਪਕ ਕੁਮਾਰ ਦੀਪੂ, ਸਾਬਕਾ ਕੌਂਸਲਰ ਰਾਜ ਕੁਮਾਰ ਸਹੋਤਾ, ਪ੍ਰਿੰਸੀਪਲ ਸੁਮਨ ਲਤਾ ਪਾਠਕ, ਅਸ਼ੋਕ ਸੰਧੂ ਜ਼ਿਲ੍ਹਾ ਪ੍ਰਧਾਨ ਨੰਬਰਦਾਰ ਯੂਨੀਅਨ ਜ਼ਿਲ੍ਹਾ ਜਲੰਧਰ, ਸੋਹਣ ਲਾਲ ਬਿੱਲਾ ਸਾਬਕਾ ਸਰਪੰਚ, ਕਪਿਲ ਤਕਿਆਰ, ਰਾਜੂ ਯੂ.ਕੇ, ਬੀਬੀ ਸੁਰਜੀਤ ਕੌਰ, ਆਂਚਲ ਸੰਧੂ ਸੋਖਲ, ਰਾਜ ਕੁਮਾਰ ਮੈਹਨ, ਸੋਨੀਆਂ ਸੋਖਲ, ਨਿਧੀ ਮੈਹਨ, ਹੈਪੀ ਸੋਖਲ, ਮੈਂਟਾ ਕਲੇਰ, ਦਿਨਕਰ ਸੰਧੂ, ਮੰਥਨ ਕਲੇਰ ਤੋਂ ਇਲਾਵਾ ਹੋਰ ਪਤਵੰਤੇ ਵੋਟਰਾਂ ਸਪੋਰਟਰਾਂ ਨੇ ਹਿੱਸਾ ਲਿਆ। ਉਪਰੰਤ ਸਮੂਹ ਲੀਡਰਸ਼ਿਪ ਨੇ ਜ਼ਿਲ੍ਹਾ ਪ੍ਰਧਾਨ ਲਾਇਨ ਅਸ਼ੋਕ ਸੰਧੂ ਨੰਬਰਦਾਰ ਨੂਰਮਹਿਲ ਦੇ ਘਰ ਪਹੁੰਚਕੇ ਅਗਲੀ ਰਣਨੀਤੀ ਤਿਆਰ ਕੀਤੀ। ਘਰ ਪਹੁੰਚਣ ‘ਤੇ ਨੰਬਰਦਾਰ ਅਸ਼ੋਕ ਸੰਧੂ ਨੇ ਸਮੁੱਚੀ ਲੀਡਰਸ਼ਿਪ ਦਾ ਨਿੱਘਾ ਸਵਾਗਤ ਕੀਤਾ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
