ਕਨੇਡਾ /ਵੈਨਕੂਵਰ (ਕੁਲਦੀਪ ਚੁੰਬਰ)– ਜਗਤ ਗੁਰੂ ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਪਾਵਨ ਪਵਿੱਤਰ ਆਗਮਨ ਪੁਰਬ ਦੀ ਖੁਸ਼ੀ ਵਿੱਚ ਪੰਜਾਬ ਦੀ ਪ੍ਰਸਿੱਧ ਸੂਫ਼ੀ ਗਾਇਕਾ ਮਨਜਿੰਦਰ ਮਨੀ ਵਲੋਂ ਆਪਣਾ ਧਾਰਮਿਕ ਟਰੈਕ “ਵਾਰੇ ਵਾਰੇ ਜਾਵਾਂ” ਟਾਈਟਲ ਹੇਠ ਹਾਲ ਹੀ ਵਿੱਚ ਰਿਲੀਜ਼ ਕੀਤਾ ਗਿਆ। ਫੋਕ ਫਿਊਜਨ ਭਗਤੀ ਚੈਨਲ ਵਲੋਂ ਇਸ ਟਰੈਕ ਨੂੰ ਰਣਧੀਰ ਧੀਰਾ ਦੀ ਪੇਸ਼ਕਸ਼ ਵਿੱਚ ਰਿਲੀਜ਼ ਕੀਤਾ ਗਿਆ ਹੈ। ਜਿਸ ਨੂੰ ਸੰਗਤ ਭਰਪੂਰ ਪਿਆਰ ਦੇ ਕੇ ਨਿਵਾਜ ਰਹੀ ਹੈ। ਇਸ ਟਰੈਕ ਦੀ ਜਾਣਕਾਰੀ ਦਿੰਦਿਆਂ ਮਨਜਿੰਦਰ ਮਨੀ ਗਾਇਕਾ ਨੇ ਦੱਸਿਆ ਕਿ “ਵਾਰੇ ਵਾਰੇ ਜਾਵਾਂ” ਟਰੈਕ ਨੂੰ ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਆਗਮਨ ਪੁਰਬ ਤੇ ਰਿਲੀਜ਼ ਕੀਤਾ ਗਿਆ ਹੈ ਜਿਸ ਦਾ ਸੰਗੀਤ ਸੁਰਜੀਤ ਸਿੰਘ ਵਲੋਂ ਦਿੱਤਾ ਗਿਆ ਹੈ ਤੇ ਇਸ ਨੂੰ ਅੰਗਰੇਜ਼ ਗੇਜੀ ਨੇ ਕਲਮਬੱਧ ਕੀਤਾ ਹੈ । ਰਣਧੀਰ ਧੀਰਾ ਦੀ ਸਮੁੱਚੀ ਟੀਮ ਇਸ ਟਰੈਕ ਨੂੰ ਸੰਗਤ ਤੱਕ ਪਹੁੰਚਾਉਣ ਵਿੱਚ ਸੋਸ਼ਲ ਮੀਡੀਏ ਦੀ ਜ਼ਰੀਏ ਆਪਣੀਆਂ ਸੇਵਾਵਾਂ ਨਿਭਾ ਰਹੇ ਹਨ। ਮਨਜਿੰਦਰ ਮਨੀ ਪੰਜਾਬ ਦੀ ਸੁਰੀਲੀ ਗਾਇਕਾ ਹੈ ਜੋ ਵੱਖ-ਵੱਖ ਟਰੈਕਸ ਦੇ ਜ਼ਰੀਏ ਸੰਗਤ ਦੇ ਰੂਬਰੂ ਹੁੰਦੀ ਰਹਿੰਦੀ ਹੈ। ਉਸ ਵਲੋਂ ਕੀਤਾ ਗਿਆ ਇਹ ਸਾਰਥਿਕ ਯਤਨ ਵੀ ਸੰਗਤ ਪ੍ਰਵਾਨ ਕਰੇਗੀ ਅਤੇ ਉਸ ਨੂੰ ਪੰਜਾਬੀ ਸੰਗੀਤ ਵਿੱਚ ਆਪਣਾ ਆਸ਼ੀਰਵਾਦ ਦੇਵੇਗੀ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
