*ਹਰਿਆਲੀ ਹੀ ਵਿਕਾਸ ਦੀ ਪਛਾਣ — ਨੋਜਵਾਨਾਂ ਨੇ ਲਿਆ ਵਾਤਾਵਰਣ ਸੰਭਾਲ ਦਾ ਸੰਕਲਪ*
ਨਵਾਂਸ਼ਹਿਰ, (ਸਮਾਜ ਵੀਕਲੀ) (ਜਤਿੰਦਰ ਪਾਲ ਸਿੰਘ ਕਲੇਰ ) ਵਾਤਾਵਰਣ ਸੰਭਾਲ ਅਤੇ ਹਰਿਆਲੀ ਦਾ ਸੰਦੇਸ਼ ਘਰ-ਘਰ ਤੱਕ ਪਹੁੰਚਾਉਣ ਦੇ ਉਦੇਸ਼ ਨਾਲ ਸ਼੍ਰੀ ਕ੍ਰਿਸ਼ਨਾ ਯੂਥ ਕਲੱਬ (ਰਜਿ.) ਨਵਾਂਸ਼ਹਿਰ ਵੱਲੋਂ “ਏਕ ਪੇੜ ਮਾਂ ਕੇ ਨਾਮ” ਮੁਹਿੰਮ ਤਹਿਤ ਚੰਡੀਗੜ੍ਹ ਰੋਡ ‘ਤੇ ਪੌਧਾਰੋਪਣ ਕੀਤਾ ਗਿਆ। ਇਹ ਪ੍ਰੋਗਰਾਮ ਯੁਵਾ ਕਾਰਜਕ੍ਰਮ ਅਤੇ ਖੇਡ ਮੰਤਰਾਲਾ, ਭਾਰਤ ਸਰਕਾਰ ਦੇ ਮੇਰਾ ਯੁਵਾ ਭਾਰਤ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਤਹਿਤ ਆਯੋਜਿਤ ਕੀਤਾ ਗਿਆ। ਇਹ ਪੌਧਾਰੋਪਣ ਕਲੱਬ ਦੇ ਮੈਂਬਰ ਕਰਣ ਸ਼ਰਮਾ ਦੀ ਅਗਵਾਈ ਹੇਠ ਕੀਤਾ ਗਿਆ। ਇਸ ਮੌਕੇ ‘ਤੇ ਉਨ੍ਹਾਂ ਨੇ ਕਿਹਾ ਕਿ ਇਹ ਮੁਹਿੰਮ ਸਿਰਫ਼ ਵਾਤਾਵਰਣ ਸੰਭਾਲ ਦਾ ਪ੍ਰਤੀਕ ਨਹੀਂ, ਸਗੋਂ ਮਾਂ ਦੇ ਪ੍ਰਤੀ ਪਿਆਰ, ਦਇਆ ਅਤੇ ਜੀਵਨ ਪ੍ਰਤੀ ਆਦਰ ਦਾ ਪ੍ਰਗਟਾਵਾ ਵੀ ਹੈ। ਰੁੱਖ ਸਾਡੇ ਜੀਵਨ ਦੇ ਲਈ ਸਾਹ ਹਨ — ਇਨ੍ਹਾਂ ਨੂੰ ਲਗਾਉਣਾ ਅਤੇ ਸਾਂਭਣਾ ਹਰ ਨਾਗਰਿਕ ਦਾ ਫਰਜ਼ ਹੈ। ਕਾਰਜਕ੍ਰਮ ਦੌਰਾਨ ਦਿਲਜੋਤ ਸਿੰਘ, ਬਿੰਨੀ, ਜਿੰਦਰ ਗਰਚਾ ਅਤੇ ਸੰਜੀਵ ਕੁਮਾਰ ਸਮੇਤ ਕਲੱਬ ਦੇ ਹੋਰ ਮੈਂਬਰ ਮੌਜੂਦ ਰਹੇ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਦੇਸ਼ ਵਿਕਸਿਤ ਭਾਰਤ 2047 ਦੀ ਦਿਸ਼ਾ ਵੱਲ ਤਰੱਕੀ ਕਰ ਰਿਹਾ ਹੈ, ਹਰ ਜਵਾਨ ਨੂੰ ਆਪਣਾ ਫਰਜ਼ ਨਿਭਾਉਣਾ ਚਾਹੀਦਾ ਹੈ — ਇੱਕ ਬੂਟਾ ਲਗਾਉਣਾ ਹੀ ਨਹੀਂ, ਉਸ ਦੀ ਦੇਖਭਾਲ ਕਰਨਾ ਵੀ ਰਾਸ਼ਟਰ ਸੇਵਾ ਦਾ ਰੂਪ ਹੈ। ਕਲੱਬ ਵੱਲੋਂ ਸਾਰੇ ਨੌਜਵਾਨਾਂ ਅਤੇ ਨਾਗਰਿਕਾਂ ਨੂੰ ਅਪੀਲ ਕੀਤੀ ਗਈ ਕਿ ਉਹ “ਏਕ ਪੇੜ ਮਾਂ ਕੇ ਨਾਮ” ਮੁਹਿੰਮ ਨਾਲ ਜੁੜਨ, ਆਪਣੀ ਮਾਂ ਦੇ ਸਨਮਾਨ ਵਿਚ ਇੱਕ ਬੂਟਾ ਲਗਾਉਣ ਅਤੇ ਹਰਿਆਲੀ ਰਾਹੀਂ ਭਾਰਤ ਨੂੰ ਸਵੱਛ, ਸੁੰਦਰ ਅਤੇ ਵਿਕਸਿਤ ਰਾਸ਼ਟਰ ਬਣਾਉਣ ਵਿਚ ਯੋਗਦਾਨ ਪਾਉਣ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj
