(ਸਮਾਜ ਵੀਕਲੀ) ਕਨੇਡਾ ਵਸਦੇ ਗਾਇਕ ਕੁਲਦੀਪ ਚੁੰਬਰ ਨੇ ਇਸ ਵਾਰ ਜਗਤ ਗੁਰੂ ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਆਗਮਨ ਪੁਰਬ ਦੀ ਖੁਸ਼ੀ ਵਿੱਚ ਅਨੇਕਾਂ ਟਰੈਕਸ ਰਿਕਾਰਡ ਕੀਤੇ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਟ੍ਰੈਕ “ਮੁੰਡੇ ਰਵਿਦਾਸੀਆਂ ਦੇ” ਟਾਈਟਲ ਹੇਠ ਵਿਸ਼ਵ ਭਰ ਵਿੱਚ ਏ ਆਰ ਮਿਊਜਿਕ ਕੰਪਨੀ ਯੂਐਸਏ ਦੀ ਤਰਫੋਂ ਲਾਂਚ ਕੀਤਾ ਗਿਆ। ਜਿਸ ਦੀ ਜਾਣਕਾਰੀ ਦਿੰਦਿਆਂ ਏ ਆਰ ਮਿਊਜਿਕ ਕੰਪਨੀ ਦੇ ਪ੍ਰੋਡਿਊਸਰ ਹਰਪ੍ਰੀਤ ਸੁੰਮਨ ਯੂਐਸਏ ਨੇ ਦੱਸਿਆ ਕਿ ਇਸ ਟ੍ਰੈਕ ਨੂੰ ਖੁਦ ਗਾਇਕ ਕੁਲਦੀਪ ਚੁੰਬਰ ਨੇ ਲਿਖਿਆ ਤੇ ਕੰਪੋਜ਼ ਕੀਤਾ ਹੈ । ਇਸ ਦਾ ਸੰਗੀਤ ਰਾਜ ਕੁਮਾਰ ਵਲੋਂ ਸ਼ਾਨਦਾਰ ਅੰਦਾਜ਼ ਵਿੱਚ ਤਿਆਰ ਕੀਤਾ ਗਿਆ ਹੈ ਅਤੇ ਇਸ ਦਾ ਵੀਡੀਓ ਰਿੰਕਾ ਨਸਰਾਲਾ ਦੀ ਪੂਰੀ ਟੀਮ ਕੈਮਰਾਮੈਨ ਰਾਜਨ ਬਟਾਲਵੀ, ਡਰੋਨ ਆਪਰੇਟਰ ਤੁਸ਼ਾਰ ਗੁਪਤਾ ਅਤੇ ਵੀਡੀਓ ਐਡੀਟਰ ਏ ਡੀ ਐਡਇਜ਼ ਨੇ ਪੂਰੀ ਮਿਹਨਤ ਤੇ ਲਗਨ ਨਾਲ ਤਿਆਰ ਕੀਤਾ ਹੈ । ਇਹ ਟ੍ਰੈਕ ਦਾ ਵੀਡੀਓ ਵੱਖ-ਵੱਖ ਲੋਕੇਸ਼ਨਾਂ ਤੇ ਸ਼ਾਨਦਾਰ ਢੰਗ ਵਿੱਚ ਫਿਲਮਾਇਆ ਗਿਆ ਹੈ। ਹਰਪ੍ਰੀਤ ਸੁੰਮਨ ਯੂਐਸਏ ਵਲੋਂ ਅਨੇਕਾਂ ਕਲਾਕਾਰਾਂ ਦੇ ਗੀਤ ਜੋ ਸਮਾਜ ਦੀ ਚੜ੍ਹਦੀ ਕਲਾ ਤੇ ਬੁਲੰਦੀ ਲਈ ਤਿਆਰ ਕੀਤੇ ਗਏ ਹਨ, ਸਮੇਂ ਸਮੇਂ ਤੇ ਰਿਲੀਜ਼ ਕੀਤੇ ਜਾ ਰਹੇ ਹਨ।
‘ਸਮਾਜਵੀਕਲੀ’ ਐਪਡਾਊਨਲੋਡਕਰਨਲਈਹੇਠਦਿਤਾਲਿੰਕਕਲਿੱਕਕਰੋ
https://play.google.com/store/apps/details?id=in.yourhost.samajweekly
