ਗਾਇਕ ਜੇ ਐਚ ਤਾਜਪੁਰੀ “ਗੁਰੂ ਰਵਿਦਾਸ ਦੇ ਜਾਏ” ਸਿੰਗਲ ਟਰੈਕ ਨਾਲ ਭਰੇਗਾ ਦਮਦਾਰ ਹਾਜ਼ਰੀ

ਕਨੇਡਾ/ ਵੈਨਕੂਵਰ (ਕੁਲਦੀਪ ਚੁੰਬਰ)- ਮੇਲਾ ਇੰਟਰਟੇਨਮੈਂਟ ਕੰਪਨੀ ਕਨੇਡਾ ਦੇ ਐਮ ਡੀ ਸਤਿਕਾਰਯੋਗ ਬਿੱਲ ਬਸਰਾ ਜੀ ਅਤੇ ਪ੍ਰਸਿੱਧ ਮਿਸ਼ਨਰੀ ਗੀਤਕਾਰ ਅਮਰਜੀਤ ਬੇਗਮਪੁਰੀ ਦੀ ਪੇਸ਼ਕਸ਼ ਵਿੱਚ ਗਾਇਕ ਜੇ ਐਚ ਤਾਜਪੁਰੀ “ਗੁਰੂ ਰਵਿਦਾਸ ਦੇ ਜਾਏ” ਟਰੈਕ ਨਾਲ ਇਸ ਵਾਰ ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਪਾਵਨ ਪਵਿੱਤਰ ਪ੍ਰਕਾਸ਼ ਦਿਹਾੜੇ ਮੌਕੇ ਸੰਗਤ ਵਿੱਚ ਹਾਜ਼ਰੀ ਲਗਵਾ ਰਿਹਾ ਹੈ। ਇਸ ਸਬੰਧੀ ਗਾਇਕ ਜੇ ਐਚ ਤਾਂਜਪੁਰੀ (ਬੀਬੇ ਪੁੱਤ ਚਮਾਰਾਂ ਦੇ ਫੇਮ) ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਟਰੈਕ ਨੂੰ ਬੰਸਾ ਮਲਕਪੁਰੀ ਜਰਮਨ ਨੇ ਕਲਮਬੱਧ ਕੀਤਾ ਹੈ ਅਤੇ ਇਸਦਾ ਸੰਗੀਤ ਕੇ ਕੁਲਦੀਪ ਵਲੋਂ ਰਿਵਾਇਤੀ ਅੰਦਾਜ਼ ਵਿੱਚ ਕੀਤਾ ਗਿਆ ਹੈ । ਵੀਡੀਓ ਐਡੀਟਰ ਆਰ ਸੀ ਹਨ । ਰਾਜ ਦਦਰਾਲ ਦੇ ਇਸ ਪ੍ਰੋਜੈਕਟ ਦੇ ਪ੍ਰੋਡਿਊਸਰ ਸਤਿਕਾਰਯੋਗ ਬਿੱਲ ਬਸਰਾ ਅਤੇ ਅਮਰਜੀਤ ਬੇਗਮਪੁਰੀ ਪ੍ਰਸਿੱਧ ਗੀਤਕਾਰ ਹਨ । ਗਾਇਕ ਜੇ ਐਚ ਤਾਜਪੁਰੀ ਆਪਣੇ ਇਸ ਟਰੈਕ ਨਾਲ ਸੰਗਤ ਦਾ ਭਰਪੂਰ ਪਿਆਰ ਖੱਟੇਗਾ , ਕਿਉਂਕਿ ਇਸ ਤੋਂ ਪਹਿਲਾਂ ਉਸ ਵਲੋਂ ਗਾਏ ਗਏ ਅਨੇਕਾਂ ਗੀਤ ਸਮਾਜ ਵਿੱਚ ਸੁਪਰ ਹਿੱਟ ਹੋਏ ਹਨ ਅਤੇ “ਬੀਬੇ ਪੁੱਤ” ਉਸ ਦਾ ਹਿੱਟ ਸੌਂਗ ਹੈ।