ਨਵਾਂਸ਼ਹਿਰ /ਕਾਠਗੜ੍ਹ (ਸਮਾਜ ਵੀਕਲੀ) (ਜਤਿੰਦਰ ਪਾਲ ਸਿੰਘ ਕਲੇਰ )– ਸ੍ਰੀਆਸ ਪੇਪਰ ਮਿੱਲ ਬਨਾਂ ਦੇ ਵਰਕਰਾਂ ਵਲੋਂ ਫੈਕਟਰੀ ਅੱਗੇ ਗੇਟ ਰੈਲੀ ਜਥੇਬੰਦੀ ਦੇ ਪ੍ਰਧਾਨ ਸੁਖਦੇਵ ਸਿੰਘ ਦੀ ਅਗਵਾਈ ਵਿੱਚ ਕੀਤੀ ਗਈ | ਜਿਸ ਵਿੱਚ ਸਰਵਸੰਮਤੀ ਨਾਲ ਫੈਸਲਾ ਕੀਤਾ ਗਿਆ ਕਿ 12 ਫਰਵਰੀ ਨੂੰ ਮੁਕੰਮਲ ਰੂਪ ਨਾਲ ਹੜਤਾਲ ਕਰਕੇ ਭਾਰੀ ਗਿਣਤੀ ਵਿੱਚ ਨਵਾਸ਼ਹਿਰ ਵਿਖੇ ਰੋਸ਼ ਮੁਜਾਹਰੇ ਵਿੱਚ ਪਹੁੰਚਣਗੇ | ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਸੀ. ਆਈ. ਟੀ. ਯੂ ਦੇ ਸੂਬਾ ਜਨਰਲ ਸਕੱਤਰ ਮਹਾ ਸਿੰਘ ਰੌੜੀ , ਜ਼ਿਲ੍ਹਾ ਸਕੱਤਰ ਜਸਵੰਤ ਸਿੰਘ ਸੈਣੀ ਨੇ ਕਿਹਾ ਕਿ ਕੇਂਦਰ ਦੀ ਮੋਦੀ ਸਰਕਾਰ ਬਿਜਲੀ ਬਿੱਲ 2025 ਅਤੇ ਬੀਜ ਬਿੱਲ 2025 ਤੋ ਇਲਾਵਾਂ 29 ਲੇਵਰ ਕਾਨੂੰਨਾਂ ਨੂੰ ਬਦਲ ਕੇ 4 ਲੇਵਰ ਕੋਡ ਬਣਾ ਕੇ ਕਿਸਾਨਾ ਮਜਦੂਰਾਂ ਤੇ ਮਿਹਨਤਕਸ਼ ਲੋਕਾਂ ਦੇ ਹੱਕ ਹਕੂਕ ਖੋਹ ਕੇ ਫੈਕਟਰੀ ਮਾਲਕਾਂ ਤੇ ਕਾਰਪੋਰੇਟ ਘਰਾਣਿਆਂ ਦੀ ਲੁੱਟ ਦਾ ਰਾਹ ਪੱਧਰਾਂ ਕਰਨ ਜਾ ਰਹੀ ਹੈ | 4 ਕੋਡ ਲਾਗੂ ਕਰਨ ਦਾ ਮਤਲਬ ਹੈ ਕਿ ਟਰੇਡ ਯੂਨੀਅਨ ਹੱਕ ਨੂੰ ਖਤਮ ਕਰਨ, ਮਿਲ ਰਹੀਆਂ ਸਾਰੀਆਂ ਸੁਵਿਧਾਵਾਂ ਨੂੰ ਖਤਮ ਕਰਨਾ, ਮਜਦੂਰ ਦੀ ਦਿਹਾੜੀ 8 ਘੰਟੇ ਤੋਂ 12 ਘੰਟੇ ਕਰਨਾ, ਮਨਰੇਗਾ ਮਜਦੂਰਾਂ ਦੇ ਕੰਮ ਦੇ ਕਾਨੂੰਨੀ ਅਧਿਕਾਰੀ ਨੂੰ ਖਤਮ ਕਰਨਾ, ਲੋਕ ਪੱਖੀ ਸਕੀਮਾਂ ਖਤਮ ਕਰਨਾ , ਉਨ੍ਹਾਂ ਨੇ ਅਪੀਲ ਕੀਤੀ ਕਿ 12 ਫਰਵਰੀ ਨੂੰ ਹੜਤਾਲ ਕਰਕੇ ਨਵਾਸ਼ਹਿਰ ਵਿਖੇ ਰੋਸ਼ ਮੁਜ਼ਾਹਰਾ ਕੀਤੀ ਜਾਵੇਗਾ | ਜਥੇਬੰਦੀ ਦੇ ਸਕੱਤਰ ਹਰੇ ਰਾਮ ਯਾਦਵ ਨੇ ਵਿਸ਼ਵਾਸ ਦਿਵਾਇਆ ਕਿ ਪੇਪਰ ਮਿੱਲ ਦੇ ਸਾਰੇ ਵਰਕਰ ਹੜਤਾਲ ਕਰਕੇ ਨਵਾਸ਼ਹਿਰ ਪਹੁੰਚਣਗੇ | ਪ੍ਰਧਾਨ ਸੁਖਦੇਵ ਸਿੰਘ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ |
https://play.google.com/store/apps/details?id=in.yourhost.samajweekly
