‘ਸਰਪੰਚੀ’ ਡਿਊਟ ਗੀਤ ਲੈ ਕੇ ਸਰੋਤਿਆਂ ਦੀ ਕਚਿਹਰੀ ‘ਚ ਹਾਜ਼ਰ ਹੈ ਗਾਇਕ ਗਿੰਦਾ ਅੱਪਰੇ ਵਾਲਾ

ਫਿਲੌਰ/ਅੱਪਰਾ  (ਸਮਾਜ ਵੀਕਲੀ) (ਜੱਸੀ)-ਇਲਾਕੇ ਦਾ ਪ੍ਰਸਿੱਧ ਗਾਇਕ ਗਿੰਦਾ ਅੱਪਰੇ ਵਾਲਾ ‘ਸਰਪੰਚੀ’ ਡਿਊਟ ਗੀਤ ਲੈ ਕੇ ਸਰੋਤਿਆਂ ਦੀ ਕਚਿਹਰੀ ‘ਚ ਹਾਜ਼ਰ ਹੋਇਆ | ਇਸ ਸੰਬੰਧ ‘ਚ ਜਾਣਕਾਰੀ ਦਿੰਦਿਆਂ ਗਾਇਕ ਗਿੰਦਾ ਅੱਪਰੇ ਵਾਲਾ ਨੇ ਦੱਸਿਆ ਕਿ ਇਸ ਗੀਤ ਨੂੰ  ਪੇਸ਼ਕਾਰ ਅਵਤਾਰ ਸਿੰਘ ਖੋਲਾ ਖਹਿਰਾ ਤੇ ਪੇਸ਼ਕਾਰ ਬੱਬੂ ਆਸਟਰੇਲੀਆ ਚੱਕ ਸਾਹਬੂ ਵਲੋਂ ਮਾਰਕੀਟ ‘ਚ ਪੇਸ਼ ਕੀਤਾ ਗਿਆ ਹੈ | ਇਸ ਗੀਤ ਨੂੰ  ਉਨਾਂ ਦੇ ਨਾਲ ਸਹਿ ਗਾਇਕਾ ਸੁੱਖੀ ਕੌਰ ਨੇ ਗਾ ਕੇ ਸਾਥ ਨਿਭਾਇਆ ਹੈ | ਇਸ ਗੀਤ ਦੇ ਮਿਊਜ਼ਿਕ ਤੇ ਮਿਕਸ ਮਾਸਟਰ ਜਗਤਾਰ ਸਟੂਡੀਓ ਹਨ ਤੇ ਇਸ ਗੀਤ ਦਾ ਵੀਡੀਓ ਕਰਮਦੀਨ ਚੱਕ ਸਾਹਬੂ ਵਲੋਂ ਤਿਆਰ ਕੀਤਾ ਗਿਆ ਹੈ | ਗਾਇਕ ਗਿੰਦਾ ਅੱਪਰੇ ਵਾਲਾ ਨੇ ਕਿਹਾ ਕਿ ਉਸਤਾਦ ਬੁੱਕਣ ਜੱਟ ਦੇ ਆਸ਼ੀਰਵਾਦ ਦੇ ਨਾਲ ਇਹ ਗੀਤ ਹਰ ਇੱਕ ਦੀ ਜੁਬਾਨ ‘ਤੇ ਛਾਇਆ ਹੋਇਆ ਹੈ | ਉਨਾਂ ਅੱਗੇ ਕਿਹਾ ਕਿ ਮੇਰਾ ਮੁੱਖ ਮਕਸਦ ਪੰਜਾਬ, ਪੰਜਾਬੀਅਤ ਤੇ ਪੰਜਾਬੀ ਸੱਭਿਆਚਾਰ ਦੀ ਸੇਵਾ ਕਰਕੇ ਉਸਦਾ ਵਿਸ਼ਵ ਭਰ ‘ਚ ਪ੍ਰਸਾਰ ਕਰਨਾ ਹੈ |

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly