(ਸਮਾਜ ਵੀਕਲੀ)
ਪੰਜਾਬਣ ਦੀ ਤੋਰ
——————-
ਗੁੱਡੀ ਚਾੜ੍ਹ ਕੇ ਕਿਸੇ ਦੀ ਅੰਬਰਾਂ ‘ਤੇ ,
ਜਾਣ ਬੁੱਝ ਕੇ ਨਾ ਛੱਡੀਏ ਡੋਰ ਮੀਆਂ ।
ਗਿੱਧਾ ਭੰਗੜਾ ਵੇਖ ਪੰਜਾਬੀਆਂ ਦਾ ,
ਬੁੱਢੇ ਬੁੱਢੀਆਂ ਨੂੰ ਚੜ੍ਹਦੀ ਲੋਰ ਮੀਆਂ ।
ਚੰਨ ਸੂਰਜ ਵੀ ਨੀਵੀਆਂ ਪਾ ਜਾਂਦੇ ,
ਪੈਂਦੀ ਕੋਕਿਆਂ ਦੀ ਜਦੋਂ ਲਿਸ਼ਕੋਰ ਮੀਆਂ।
ਸੱਚ ਕਿਹਾ ਸਿਆਣਿਆਂ ਬੰਦਿਆਂ ਨੇ ,
ਜੱਗੋਂ ਨਿਆਰੀ ਪੰਜਾਬਣ ਦੀ ਤੋਰ ਮੀਆਂ।
ਖ਼ੁਦਕੁਸ਼ੀਆਂ ਕਰਨ ਕਮਜ਼ੋਰ
——————————
ਅੱਜ ਕੱਲ੍ਹ ਦੇ ਗਾਇਕ ਸੰਗੀਤ ਕਹਿ ਕੇ ,
ਪਾਈਂ ਜਾਂਦੇ ਸਟੇਜਾਂ ‘ਤੇ ਸ਼ੋਰ ਮੀਆਂ ।
ਪੈਣ ਬਾਜ਼ੀਆਂ ਪੁੱਠੀਆਂ ਓਸ ਵੇਲ਼ੇ ,
ਜਦੋਂ ਚੋਰਾਂ ਨੂੰ ਪੈਂਦੇ ਨੇ ਮੋਰ ਮੀਆਂ ।
ਠੱਗੀਆਂ ਆਪਣਿਆਂ ਨਾਲ਼ ਵੀ ਲਾ ਜਾਂਦੇ ,
ਬਾਜ਼ ਆਉਂਦੇ ਨਾ ਠੱਗ ਤੇ ਚੋਰ ਮੀਆਂ ।
ਸੱਚ ਕਿਹਾ ਸਿਆਣਿਆਂ ਬੰਦਿਆਂ ਨੇ ,
ਖ਼ੁਦਕੁਸ਼ੀਆਂ ਤਾਂ ਕਰਨ ਕਮਜ਼ੋਰ ਮੀਆਂ ।
( ਕਿਤਾਬ ” ਪੱਥਰ ‘ਤੇ ਲਕੀਰਾਂ ” ਵਿੱਚੋਂ )
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
9914836037
