(ਸਮਾਜ ਵੀਕਲੀ)
ਗ਼ਲ ਲਈ ਤੂੰ ਮੰਗਦੀ ਮਾਲਾ,
ਮੋਤੀ ਦੱਸ ਮੈਂ ਕਿਥੋਂ ਭਾਲਾ ,
ਐਧਰ ਰਾਵਣ ਵੱਸਦਾ , ਓਧਰ ਵੱਸਦਾ ਕੰਸ ,
ਨੀਂ ਮੈਂ ਮੋਤੀ ਕਿਥੋ ਭਾਲਾ , ਮੋਤੀ ਤਾਂ ਚੁਗ ਗਏ ਹੰਸ ।
ਜ਼ਹਿਰ ਘੋਲਤੀ ਵਿੱਚ ਪਿਆਰਾਂ ,
ਘਰ ਘਰ ਵਿੱਚ , ਦੇਖ ਪਈਆਂ ਖਾਰਾਂ,
ਗੁਰੂ ਨਾਨਕ ਤੇ ਗੁਰੂ ਗੋਬਿੰਦ ਤੁਰ ਗਏ ,
ਦੇਸ਼ ਕੌਮ ਵਾਰੇ ਜਿਨ੍ਹਾਂ ਆਪਣੇ ਸਰਬੰਸ ।
ਨੀਂ ਮੈਂ ਮੋਤੀ …..………………………
ਚੁਰਾਸੀ ਦੇ ਚੱਕਰਾਂ ਵਿੱਚ ਪਾਇਆ ,
ਪੈਸੇ ਨੇ ਅੱਜ ਧਰਮ ਗੁਵਾਇਆ,
ਆਪ ਤਾਂ ਸਭ ਨੂੰ ਲੁੱਟ ਲੁੱਟ ਖਾਂਦੇ ,
ਪਾਲਣ ਆਪਣਾ ਆਪਣਾ ਵੰਸ਼ ।
ਨੀਂ ਮੈਂ ਮੋਤੀ ……………………….
ਇੱਜਤਾਂ ਲੁੱਟਣ ,ਧੀਆਂ ਮਾਰਨ ,
ਮਾਸੂਮਾਂ ਅੱਗ ਲਾ ਸਾੜਨ ,
ਚਾਰੇ ਪਾਸੇ ਹਾ ਹਾ ਕਾਰ ਹੈ ਮੱਚੀ ,
ਆਇਆ ਦੁਨੀਆਂ ਦਾ ਅੰਤ ।
ਨੀਂ ਮੈਂ ਮੋਤੀ ………………………
‘ਦਰਦੀ’ ਆਪਣਾ ਆਪ ਬਚਾ ਲੈ ,
ਸੱਜਣਾਂ ਚੰਗੇ ਕਰਮ ਕਮਾ ਲੈ ,
ਚੰਗਾ ਕਰੋ ਤੇ ਚੰਗਾ ਪਾਓ ,
ਕਹਿ ਗਏ ਲੋਕ ਨੇ ਸੰਤ ।
ਨੀਂ ਮੈਂ ਮੋਤੀ …………………….
ਦਰਦੀ ‘ਫ਼ਰੀਦਕੋਟੀਆਂ’
ਸੰਪਰਕ :- 9855155392
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
