ਪੈਨਸ਼ਨਰਜ਼ ਵੈਲਫੇਅਰ ਐਸੋਸੀਏਸ਼ਨ ਰਜਿ ਧੂਰੀ ਦੀ ਚੋਣ ਲਈ ਨਾਮਜ਼ਦਗੀ ਮੌਕੇ ਹੋਈ ਸਰਬਸੰਮਤੀ

ਧੂਰੀ (ਸਮਾਜ ਵੀਕਲੀ) (ਰਮੇਸ਼ਵਰ ਸਿੰਘ ) ਅੱਜ ਸਥਾਨਕ ਪੈਨਸ਼ਨਰ ਦਫ਼ਤਰ ਵਿਖੇ ਪੈਨਸ਼ਨਰਜ਼ ਵੈਲਫੇਅਰ ਐਸੋਸੀਏਸ਼ਨ ਧੂਰੀ ਰਜਿ (1180) ਦੀ 2025-2027 ਲਈ ਦੋ ਸਾਲਾ ਚੋਣ ਵਾਸਤੇ ਚੋਣ ਪੈਨਲ ਜਿਸ ਵਿੱਚ ਚੇਅਰਮੈਨ ਰਮੇਸ਼ ਸ਼ਰਮਾ ਦੇ ਨਾਲ਼ ਪ੍ਰਿੰਸੀਪਲ ਸੁਖਵੀਰ ਸਿੰਘ, ਪ੍ਰਿੰਸੀਪਲ ਸ਼ਿਵ ਕੁਮਾਰ ਲੋਮਸ, ਕਰਮ ਸਿੰਘ ਸੋਢੀ, ਸਰਬਜੀਤ ਸਿੰਘ ਮੀਮਸਾ, ਮਾਸਟਰ ਰਾਮ ਸਰੂਪ ਮੌਜੂਦ ਸਨ, ਪਾਸ ਨਾਮਜ਼ਦਗੀ ਪੱਤਰ ਦਾਖਲ ਕਰਨ ਸਮੇਂ ਪ੍ਰਧਾਨ ਅਤੇ ਜਨਰਲ ਸਕੱਤਰ ਦੇ ਅਹੁਦੇ ਲਈ ਤਿੰਨ ਤਿੰਨ ਉਮੀਦਵਾਰਾਂ ਨੇ ਕਾਗਜ਼ ਭਰੇ ਸਨ। ਪ੍ਰੰਤੂ ਦੋਵਾਂ ਅਹੁਦਿਆਂ ਤੋਂ ਦੋ ਦੋ ਉਮੀਦਵਾਰਾਂ ਵੱਲੋਂ ਆਪਣੇ ਨਾਮਜ਼ਦਗੀ ਕਾਗਜ਼ ਵਾਪਸ ਲੈਣ ਕਾਰਨ ਪ੍ਰਧਾਨ ਲਈ ਸੁਖਦੇਵ ਸ਼ਰਮਾ ਅਤੇ ਜਨਰਲ ਸਕੱਤਰ ਲਈ ਡਾ ਅਮਰਜੀਤ ਸਿੰਘ ਦੀ ਚੋਣ ਸਰਬਸੰਮਤੀ ਨਾਲ ਨੇਪਰੇ ਚੜ੍ਹੀ। ਇਸ ਮੌਕੇ ਚੋਣ ਪੈਨਲ ਦੇ ਚੇਅਰਮੈਨ ਰਮੇਸ਼ ਸ਼ਰਮਾ ਨੇ ਐਲਾਨ ਕੀਤਾ ਕਿ ਪ੍ਰਧਾਨ ਲਈ ਕਾਗਜ਼ ਦਾਖਲ ਕਰਨ ਵਾਲੇ ਚਰਨਜੀਤ ਸਿੰਘ ਕੈਂਥ ਅਤੇ ਜਸਦੇਵ ਸਿੰਘ ਅਤੇ ਇਸੇ ਤਰ੍ਹਾਂ ਜਨਰਲ ਸਕੱਤਰ ਲਈ ਕਾਗਜ਼ ਦਾਖਲ ਕਰਨ ਵਾਲੇ ਗੁਰਦਾਸ ਬਾਂਸਲ ਅਤੇ ਇੰਦਰਜੀਤ ਸ਼ਰਮਾ ਵੱਲੋਂ ਕਾਗਜ਼ ਵਾਪਸ ਲੈਣ ਕਾਰਨ ਪ੍ਰਧਾਨ ਲਈ ਸੁਖਦੇਵ ਸ਼ਰਮਾ ਅਤੇ ਜਨਰਲ ਸਕੱਤਰ ਲਈ ਡਾ ਅਮਰਜੀਤ ਸਿੰਘ ਨੂੰ ਸਰਬਸੰਮਤੀ ਨਾਲ ਚੁਣ ਲਿਆ ਗਿਆ ਹੈ।   ਇਸ ਮੌਕੇ ਹਾਜ਼ਰੀਨ ਦਾ ਧੰਨਵਾਦ ਕਰਦੇ ਹੋਏ ਸੁਖਦੇਵ ਸ਼ਰਮਾ ਨੇ ਪੈਨਸ਼ਨਰਜ਼ ਵੈਲਫੇਅਰ ਐਸੋਸੀਏਸ਼ਨ ਦੀ ਪਿਛਲੀ ਟੀਮ ਨੂੰ ਦੁਬਾਰਾ ਮੌਕਾ ਦੇਣ ਲਈ ਸਮੂਹ ਪੈਨਸ਼ਨਰਜ਼ ਨੂੰ ਵਿਸ਼ਵਾਸ ਦਿਵਾਇਆ ਕਿ ਪੈਨਸ਼ਨਰਜ਼ ਦੀਆਂ ਮੰਗਾਂ ਮਸਲਿਆਂ ਲਈ ਲਗਾਤਾਰ ਜੱਦੋਜਹਿਦ ਜਾਰੀ ਰੱਖੀ ਜਾਵੇਗੀ ਅਤੇ ਕਿਸੇ ਵੀ ਪੈਨਸ਼ਨਰ ਖ਼ਾਸ ਕਰਕੇ ਕਿਸੇ ਵੀ ਫੈਮਿਲੀ ਪੈਨਸ਼ਨਰ ਨੂੰ ਕੋਈ ਦਿਕੱਤ ਪੇਸ਼ ਨਹੀਂ ਆਉਣ ਜਾਵੇਗੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸੀਨੀਅਰ ਆਗੂ ਹੰਸ ਰਾਜ ਗਰਗ,ਰਤਨ ਭੰਡਾਰੀ, ਜੈ ਭਗਵਾਨ, ਮਨਜੀਤ ਸਿੰਘ ਬਖਸ਼ੀ, ਘਮੰਡ ਸਿੰਘ ਸੋਹੀ, ਜਸਪਾਲ ਸਿੰਘ ਭੁੱਲਰ, ਸਤੀਸ਼ ਸ਼ਰਮਾ, ਸੁਰਜੀਤ ਸਿੰਘ ਘਨੌਰੀ, ਗਿਆਨੀ ਰਾਮ ਲਾਲ, ਪ੍ਰਿੰਸੀਪਲ ਪ੍ਰੇਮ ਕੁਮਾਰ, ਅਮਰਜੀਤ ਗੋਇਲ, ਦਰਸ਼ਨ ਸਿੰਘ ਧਾਂਦਰਾ, ਜਾਗਰ ਸਿੰਘ, ਡਾ ਹਰਦਿਆਲ ਸਿੰਘ, ਸੋਮ ਨਾਥ ਅੱਤਰੀ, ਗੁਰਮੇਲ ਸਿੰਘ, ਸਤੀਸ਼ ਕੁਮਾਰ ਸਿੰਗਲਾ, ਪ੍ਰਿੰਸੀਪਲ ਹਰਨੇਕ ਸਿੰਘ, ਜੀਤ ਸਿੰਘ ਭਲਵਾਨ, ਹੈਡਮਾਸਟਰ ਬਲਵਿੰਦਰ ਸਿੰਘ, ਸੁਖਵੀਰ ਸਿੰਘ, ਮੇਜਰ ਸਿੰਘ, ਮੱਘਰ ਸਿੰਘ, ਫ਼ਕੀਰ ਸਿੰਘ, ਓਂਕਾਰ ਸ਼ਰਮਾ ਸ਼ਾਸਤਰੀ , ਅਵਤਾਰ ਸਿੰਘ ਮੂਕਰ, ਸ਼ੇਰ ਸਿੰਘ, ਅਵਤਾਰ ਦਾਸ, ਕਰਮਜੀਤ ਸਿੰਘ, ਧਰਮਪਾਲ ਸਿੰਘ, ਜਗਦੀਸ਼ ਸ਼ਰਮਾ, ਗੁਰਚਰਨ ਸਿੰਘ, ਰਣਜੀਤ ਸਿੰਘ,ਵਿਲਕਸ਼ਨ ਦੱਤ ਸ਼ਰਮਾ , ਬਹਾਦਰ ਸਿੰਘ , ਰਾਮ ਲਾਲ, ਸੁਰਿੰਦਰ ਕੁਮਾਰ, ਆਤਮਾ ਸਿੰਘ ਘਨੌਰ ਸਮੇਤ ਅਨੇਕਾਂ ਪੈਨਸ਼ਨਰ ਹਾਜ਼ਰ ਸਨ।