(ਸਮਾਜ ਵੀਕਲੀ)
ਅੱਜ ਨੂਰ ਇਲਾਹੀ ਆਇਆ ,ਧਰਤੀ ਦੇ ਉੱਤੇ।
ਪੰਥ ਖਾਲਸਾ ਸਾਜਿਆ, ਗੁਰੂ ਸੋਹਣੀ ਰੁੱਤੇ।
ਸੀ ਧਰਤੀ ਅਨੰਦਪੁਰ ਦੀ,ਜਿੱਥੇ ਮਰਦ ਇੱਕ ਆਇਆ।
ਉਸ ਮੁਰਦਾ ਹੋਈ ਕੌਮ ਨੂੰ ,ਸੀ ਆਣ ਜਗਾਇਆ।
ਮੁਰਦਿਆਂ ਵਿੱਚ ਰੂਹ ਵਿੱਚ ਫੂਕ ‘ਤੀ,ਹੋਏ
ਜੀਵਾਲੇ।
ਉਹ ਸਨ ਮਰਦ ਅਗੰਮੜੇ,ਗੁਰੂ
ਕਲਗੀਆਂ ਵਾਲੇ।
ਚਿੜੀਆਂ ਤੋਂ ਬਾਜ ਤੁੜਾ ਦਿੱਤੇ, ਮੇਰੇ
ਸਤਿਗੁਰ ਸੂਰੇ।
ਤਲਵਾਰ,ਕਲ਼ਮ ਦੇ ਧਨੀ ਗੁਰੂ,ਬਚਨਾਂ ਦੇ ਪੂਰੇ।
ਦੱਬੀ ਕੁਚਲੀ ਮਨੁੱਖਤਾ ਨੂੰ ,ਸੀ ਸ਼ੇਰ
ਬਣਾਤਾ।
ਲੜ੍ਹਨ ਹੱਕਾਂ ਲਈ ਲੱਗ ਗਏ,ਇੱਕ
ਰੋਹ ਜਗਾ’ਤਾ।
ਪੰਥ ਖਾਲਸਾ ਸਾਜਿਆ,ਸੀ ਸਭ ਤੋਂ ਨਿਆਰਾ,
ਸਿੱਖ ਪਿਆਰਾ ਗੁਰੂ ਨੂੰ ,ਗੁਰੂ ਸਿੱਖ ਨੂੰ
ਪਿਆਰਾ।
ਇਹ ਦਿਨ ਇਤਿਹਾਸਕ ਬਣ ਗਿਆ ,
ਵਿਸਾਖੀ ਵਾਲਾ।
ਰਹਿੰਦੀ ਦੁਨੀਆਂ ਤੀਕ ” ਪੱਤੋ ‘,
ਰਹੂ ਪੰਥ ਨਿਰਾਲਾ।
ਹਰਪ੍ਰੀਤ ਪੱਤੋ ਪਿੰਡ ਪੱਤੋ ਹੀਰਾ ਸਿੰਘ ਮੋਗਾ ਫੋਨ ਨੰਬਰ
94658-21417
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
