ਜੋੜੀ

ਭੁਪਿੰਦਰ ਨੇ ਉਸ ਨੂੰ ਠੋਕਵਾਂ ਜਵਾਬ ਦਿੰਦੇ ਹੋਏ ਆਖਿਆ,”ਮੀਤੋ, ਤੂੰ ਇਸ ਮੁੰਡੇ ਨੂੰ ਐਵੇਂ ਨਾ ਸਮਝ।ਇਹ ਸਰਕਾਰੀ ਨੌਕਰੀ ਲੱਗਾ ਹੋਇਆ ਆ।ਸੁੱਖ ਨਾਲ ਇਦ੍ਹੀ ਤਨਖਾਹ ਬਥੇਰੀ ਆ।ਨਾਲੇ ਇਹ ਖਾਂਦਾ, ਪੀਂਦਾ ਵੀ ਕੁੱਝ ਨ੍ਹੀ।

ਇਦ੍ਹੇ ਸਾਂਵਲੇ ਰੰਗ ਨਾਲ ਮੇਰੀ ਕੁੜੀ ਨੂੰ ਕੋਈ ਫਰਕ ਨੀ ਪੈਣਾ।ਤੂੰ ਆਪਣੀ ਕੁੜੀ ਦਾ ਵਿਆਹ ਸੋਹਣੇ, ਸੁਨੱਖੇ ਮੁੰਡੇ ਨਾਲ ਕਰਕੇ ਕੀ ਖੱਟਿਆ?ਉਹ ਸ਼ਰਾਬ ਪੀ ਕੇ ਕਿੱਦਾਂ ਉਦ੍ਹੇ ਹੱਡ ਸੇਕਦਾ ਆ।ਨਾਲੇ ਤੈਨੂੰ ਵੀ ਚੰਗਾ, ਮੰਦਾ ਬੋਲ ਕੇ ਜਾਂਦਾ ਆ। ਜਿਹੜੇ ਚਾਰ ਪੈਸੇ ਕਮਾਂਦਾ, ਉਨ੍ਹਾਂ ਦੀ ਸ਼ਰਾਬ ਪੀ ਲੈਂਦਾ ਆ।ਤੇਰੀ ਕੁੜੀ ਤੀਜੇ, ਚੌਥੇ ਦਿਨ ਉਦ੍ਹੀ ਸ਼ਰਾਬ ਲਈ ਤੇਰੇ ਕੋਲ ਪੈਸੇ ਲੈਣ ਲਈ ਆਈ ਰਹਿੰਦੀ ਆ।ਭਲਾ ਇਹੋ ਜਹੀ ਜੋੜੀ ਨੂੰ ਕੀ ਕਰਨਾ?”

ਭੁਪਿੰਦਰ ਦੀਆਂ ਇਨ੍ਹਾਂ ਗੱਲਾਂ ਦਾ ਮੀਤੋ ਕੋਲ ਕੋਈ ਜਵਾਬ ਨਹੀਂ ਸੀ।ਉਹ ਬਿਨਾਂ ਕੁੱਝ ਬੋਲੇ ਉੱਥੋਂ ਚਲੀ ਗਈ।