ਫਿਲੌਰ, ਅੱਪਰਾ (ਜੱਸੀ)-ਆਕਸਫੋਰਡ ਸ਼ਾਈਨ ਇੰਟਰਨੈਸ਼ਨਲ ਸਕੂਲ ਅੱਪਰਾ ਵਿਖੇ ਸਕੂਲ ਦੇ ਪਿ੍ੰਸੀਪਲ ਕੁਰਨੇਸ਼ ਨੰਦਾ ਤੇ ਡਾਇਰੈਕਟਰ ਸੰਦੀਪ ਰਾਣਾ ਦੀ ਅਗਵਾਈ ਹੇਠ ਸਕੂਲ ਵਿਖੇ ‘ਸੁੰਹ ਚੁੱਕ ਰਸਮ’ ਕਰਵਾਈ ਗਈ | ਇਸ ਮੌਕੇ ਵਿਦਿਆਰਥੀਆਂ ਨੂੰ ਉਨਾਂ ਦੀ ਯੋਗਤਾ ਦੇ ਆਧਾਰ ‘ਤੇ ‘ਹੈੱਡ ਬੁਆਏ’ ਤੇ ‘ਹੈੱਡ ਗਰਲ’ ਨਿਯੁਕਤ ਕੀਤਾ ਗਿਆ | ਇਸ ਮੌਕੇ ਸਕੂਲ ਦੇ ‘ਹੈੱਡ ਬੁਆਏ’ ਵਜੋਂ ਸੂਰਯ ਪ੍ਰਤਾਪ ਸਿੰਘ ਤੇ ‘ਹੈੱਡ ਗਰਲ’ ਲਈ ਮਨਵੀਰ ਕੌਰ ਨੂੰ ਚੁਣਿਆ ਗਿਆ | ਇਸਦੇ ਨਾਲ ਹੀ ਨਵਰਾਜ ਸਿੰਘ ਸਹੋਤਾ ਤੇ ਕਵੀਨਰ ਨੂੰ ਵੀ ਉਪਰੋਕਤ ਖਿਤਾਬ ਲਈ ਚੁਣਿਆ ਗਿਆ | ਇਸ ਮੌਕੇ ਵੱਖ ਵੱਖ ਹਾਊਸ ਰਾਵੀ, ਬਿਆਸ, ਸਤਲੁਜ ਤੇ ਜੇਹਲਮ ਵੀ ਬਣਾਏ ਗਏ | ਸਮਾਗਮ ਦੌਰਾਨ ਚੁਣੇ ਗਏ ਵਿਦਿਆਰਥੀਆਂ ਨੂੰ ਬੈਜ ਲਗਾ ਕੇ ਸਨਮਾਨਿਤ ਕੀਤਾ ਗਿਆ ਤੇ ਉਨਾਂ ਦੀ ਸੁੰਹ ਚੁੱਕ ਰਸਮ ਵੀ ਕਰਵਾਈ ਗਈ | ਇਸ ਮੌਕੇ ਉਨਾਂ ਭਵਿੱਖ ‘ਚ ਹੋਣ ਵਾਲੀਆਂ ਵਿੱਦਿਅਕ ਸਰਗਰਮੀਆਂ ਨੂੰ ਜਿੰਮੇਵਾਰੀ ਨਾਲ ਨਿਭਾੁਣ ਦਾ ਪ੍ਰਣ ਲਿਆ | ਇਸ ਮੌਕੇ ਚੁਣੇ ਗਏ ਵਿਦਿਆਰਥੀਆਂ ਨੇ ਪ੍ਰਬੰਧਕ ਕਮੇਟੀ, ਪਿ੍ੰਸੀਪਲ ਤੇ ਸਕੂਲ ਸਟਾਫ਼ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਤੇ ਆਪਣੀ ਜਿੰਮੇਵਾਰੀ ਨਿਭਾਉਣ ਦਾ ਅਹਿਦ ਲਿਆ | ਇਸ ਮੌਕੇ ਨੇਹਾ, ਆਰਤੀ, ਪਰਮਜੀਤ, ਪ੍ਰਭਜੀਤ, ਮਮਤਾ, ਮਨੀਸ਼ਾ ਆਦਿ ਅਧਿਆਪਕ ਵੀ ਹਾਜ਼ਰ ਸਨ |
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
