(ਸਮਾਜ ਵੀਕਲੀ) ਸਾਂਝ… ਇਹ ਸਿਰਫ਼ ਇਕ ਸ਼ਬਦ ਨਹੀਂ, ਇਹ ਇੱਕ ਅਹਿਸਾਸ ਹੈ। ਇੱਕ ਅਜਿਹਾ ਅਹਿਸਾਸ ਜੋ ਦੋ ਦਿਲਾਂ, ਦੋ ਵਿਚਾਰਾਂ, ਦੋ ਜਿੰਦਗੀਆਂ ਵਿਚ ਇਕ ਰਾਬਤਾ ਪੈਦਾ ਕਰਦਾ ਹੈ। ਸਾਂਝ ਦਾ ਅਰਥ ਸਿਰਫ਼ ਕਿਸੇ ਚੀਜ਼ ਨੂੰ ਵੰਡਣਾ ਨਹੀਂ, ਬਲਕਿ ਕਿਸੇ ਦੀ ਸੋਚ, ਦਰਦ, ਖੁਸ਼ੀ, ਤੇ ਖ਼ਾਮੋਸ਼ੀ ਵਿਚ ਹਿੱਸੇਦਾਰੀ ਬਣਨਾ ਹੈ।
ਪੁਰਾਣੇ ਸਮਿਆਂ ਵਿਚ ਲੋਕ ਰੋਟੀ ਦੀ ਸਾਂਝ ਪਾਉਂਦੇ ਸਨ ।ਅੱਜ ਇਹ ਸਾਂਝ ਮਨ ਦੀ ਬਣੀ ਹੋਈ ਹੈ। ਕਿਸੇ ਨੂੰ ਆਪਣੇ ਗਮ ਦੱਸ ਕੇ ਹਲਕਾ ਹੋ ਜਾਣਾ, ਜਾਂ ਕਿਸੇ ਦੀ ਖੁਸ਼ੀ ‘ਚ ਬਿਨਾਂ ਹਿਸਾਬ ਦੇ ਸ਼ਰੀਕ ਹੋ ਜਾਣਾ। ਇਹੀ ਤਾਂ ਹੈ ਸੱਚੀ ਸਾਂਝ।
ਸਾਂਝ ਦਾ ਸਭ ਤੋਂ ਸੋਹਣਾ ਰੂਪ ਉਹ ਹੁੰਦਾ ਹੈ ਜਿੱਥੇ ਕੋਈ ਲਾਭ ਜਾਂ ਹਾਨੀ ਦੀ ਉਮੀਦ ਨਾ ਹੋਵੇ। ਜਿਵੇਂ ਇੱਕ ਮਾਂ-ਪੁੱਤ ਵਿਚ ਸਾਂਝ, ਜਾਂ ਦੋ ਦੋਸਤਾਂ ਵਿਚ ਠਹਾਕਿਆਂ ਦੀ ਸਾਂਝ, ਜਿੱਥੇ ਲਫ਼ਜ਼ ਘੱਟ ਤੇ ਅਹਿਸਾਸ ਵੱਧ ਹੁੰਦੇ ਹਨ।
ਅਸੀਂ ਅਕਸਰ ਰਿਸ਼ਤਿਆਂ ਵਿਚ ਨਿਭਾਉਂਦੇ ਹਾਂ, ਪਰ ਸਾਂਝ ਨਾ ਬਣੀ ਤਾਂ ਉਹ ਰਿਸ਼ਤੇ ਸਿਰਫ਼ ਨਾਮਾਂ ਦੇ ਰਹਿ ਜਾਂਦੇ ਹਨ। ਇਹ ਸਾਂਝ ਹੀ ਹੈ ਜੋ ਇੱਕ ਘਰ ਨੂੰ ਘਰ ਬਣਾਉਂਦੀ ਹੈ, ਇੱਕ ਜੁਬਾਨ ਨੂੰ ਦਿਲ ਦੀ ਬੋਲੀ ਬਣਾਉਂਦੀ ਹੈ।
ਮੰਜੂ ਰਾਇਕਾ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj
