ਦਿਨ ਪੇਪਰਾਂ ਦੇ

(ਸਮਾਜ ਵੀਕਲੀ)

ਬੱਚਿਓ ਦਿਨ ਪੜ੍ਹਨ ਦੇ ਆਏ,
ਭੁੱਲ ਜਾਉ, ਪਿੱਛੇ ਜੋ ਬਿਤਾਏ।
ਮਨ ਚਿੱਤ ਲਾ ਕੇ ਕਰੋ ਪੜ੍ਹਾਈ,
ਪੇਪਰਾਂ ਦੀ ਹੁਣ ਰੁੱਤ ਹੈ ਆਈ।
ਸੁਭ੍ਹਾ ਵੇਲੇ ਮਨ ਹੁੰਦਾ ਹੈ ਤਾਜ਼ਾ,
ਯਾਦ ਸ਼ਕਤੀ ਵਿੱਚ ਕਰਦਾ ਵਾਧਾ।
ਉਸ ਵੇਲੇ ਤੁਸੀਂ ਉੱਠ ਖਲੋਣਾ,
ਸਕੂਲ ਦਾ ਸਾਰਾ ਕੰਮ ਮੁਕਾਉਣਾ।
ਅਜੇ ਵੀ ਹੈ ਇਹ ਮੌਕਾ ਹਾਲੇ,
ਇਮਤਿਹਾਨ ਸ਼ੁਰੂ ਹੋਣ ਨੇ ਵਾਲੇ।
ਨਕਲ ਦੀ ਨਾ ਰੱਖਿਓ ਆਸ,
ਮਿਹਨਤ ਦੇ ਨਾਲ ਹੋਣਾ ਪਾਸ।
ਵਿੱਦਿਆ ਕਰਦੀ ਦੂਰ ਹਨੇਰੇ,
ਹੁੰਦਾ ਚਾਨਣ ਚਾਰ ਚੁਫੇਰੇ।
ਵੇਖੋ ਕਿੰਨੀ ਔਖੀ ਹੈ ਕਮਾਈ,
ਮਾਤਾ ਪਿਤਾ ਜੋ ਜਾਂਦੇ ਲਾਈ।
ਉਸ ਦਾ ਮੁੱਲ ਤੁਸੀ ਹੈ ਪਾਉਣਾ,
ਪੱਤੋ, ਸਭ ਦਾ ਨਾਂ ਰੁਸ਼ਨਾਉਣਾ।

ਹਰਪ੍ਰੀਤ ਪੱਤੋ

ਪਿੰਡ ਪੱਤੋ ਹੀਰਾ ਸਿੰਘ ਮੋਗਾ ਫੋਨ ਨੰਬਰ
94658-21417

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly