ਨਵੀਂ ਦਿੱਲੀ — ਮਾਈਕ ਟਾਇਸਨ ਅਤੇ ਜੇਕ ਪਾਲ ਵਿਚਾਲੇ ਬਹੁਤ-ਬਹੁਤ ਉਡੀਕੇ ਜਾ ਰਹੇ ਮੁੱਕੇਬਾਜ਼ੀ ਮੈਚ ਦੌਰਾਨ ਨੈੱਟਫਲਿਕਸ ਸੇਵਾ ‘ਚ ਵੱਡਾ ਵਿਘਨ ਪਿਆ ਹੈ। ਭਾਰਤ ਅਤੇ ਅਮਰੀਕਾ ਦੇ ਹਜ਼ਾਰਾਂ ਉਪਭੋਗਤਾ ਨੈੱਟਫਲਿਕਸ ‘ਤੇ ਵੀਡੀਓਜ਼ ਸਟ੍ਰੀਮ ਕਰਨ ਵਿੱਚ ਅਸਮਰੱਥ ਸਨ। ਸਰਵਿਸ ਆਊਟੇਜ ਟ੍ਰੈਕਿੰਗ ਵੈੱਬਸਾਈਟ downdetector.com ਦੇ ਅਨੁਸਾਰ, Netflix ‘ਤੇ 14,000 ਤੋਂ ਵੱਧ ਰਿਪੋਰਟਾਂ ਦਾਇਰ ਕੀਤੀਆਂ ਗਈਆਂ ਹਨ। ਉਪਭੋਗਤਾਵਾਂ ਨੂੰ ਵੀਡੀਓ ਸਟ੍ਰੀਮਿੰਗ, ਸਰਵਰ ਕਨੈਕਸ਼ਨ ਅਤੇ ਲੌਗਇਨ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਸ਼ਨੀਵਾਰ ਨੂੰ ਸਵੇਰੇ 6 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਨੈੱਟਫਲਿਕਸ ਸਰਵਰ ਡਾਊਨ ਰਿਹਾ।ਆਊਟੇਜ ਦਾ ਸਹੀ ਕਾਰਨ ਅਜੇ ਸਪੱਸ਼ਟ ਨਹੀਂ ਹੈ ਅਤੇ ਨੈੱਟਫਲਿਕਸ ਨੇ ਵੀ ਇਸ ਸਬੰਧ ਵਿਚ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਹਾਲਾਂਕਿ ਮੰਨਿਆ ਜਾ ਰਿਹਾ ਹੈ ਕਿ ਵੱਡੀ ਗਿਣਤੀ ‘ਚ ਯੂਜ਼ਰਸ ਦੇ ਨੈੱਟਫਲਿਕਸ ‘ਚ ਇੱਕੋ ਸਮੇਂ ਲੌਗਇਨ ਕਰਨ ਕਾਰਨ ਸਰਵਰ ‘ਤੇ ਦਬਾਅ ਵਧ ਗਿਆ ਹੈ। ਇਸ ਸਮੱਸਿਆ ਦਾ ਸਭ ਤੋਂ ਵੱਧ ਅਸਰ ਭਾਰਤ ਅਤੇ ਅਮਰੀਕਾ ਵਿੱਚ ਦੇਖਣ ਨੂੰ ਮਿਲਿਆ। ਭਾਰਤ ਵਿੱਚ ਸਵੇਰੇ 9.30 ਵਜੇ ਸਭ ਤੋਂ ਵੱਧ ਰਿਪੋਰਟਾਂ ਆਈਆਂ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਵੀਡੀਓ ਸਟ੍ਰੀਮਿੰਗ ਨਾਲ ਸਬੰਧਤ ਸਨ। ਅਮਰੀਕਾ ‘ਚ ਵੀ ਆਊਟੇਜ ਦੀ ਗਿਣਤੀ ਕਾਫੀ ਜ਼ਿਆਦਾ ਸੀ, ਨੈੱਟਫਲਿਕਸ ਨੇ ਇਸ ਮੁੱਦੇ ‘ਤੇ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਹਾਲਾਂਕਿ ਯੂਜ਼ਰਸ ਸੋਸ਼ਲ ਮੀਡੀਆ ‘ਤੇ ਆਪਣੀ ਸਮੱਸਿਆ ਦੱਸ ਰਹੇ ਸਨ। ਤੁਹਾਨੂੰ ਦੱਸ ਦੇਈਏ ਕਿ 2005 ਤੋਂ ਬਾਅਦ ਪਹਿਲੀ ਵਾਰ ਪ੍ਰੋਫੈਸ਼ਨਲ ਬਾਊਟ ਖੇਡ ਰਹੇ ਟਾਈਸਨ ਨੇ ਜੈਕ ਦੇ ਖਿਲਾਫ ਪਹਿਲੇ ਦੋ ਰਾਉਂਡ ‘ਚ ਲੀਡ ਹਾਸਲ ਕੀਤੀ ਸੀ। ਇਸ ਤੋਂ ਬਾਅਦ ਉਹ ਅਗਲੇ ਚਾਰ ਗੇੜਾਂ ਵਿੱਚ ਪਿੱਛੇ ਰਹਿ ਗਏ। ਜੈਕ ਨੇ ਇਹ ਮੁਕਾਬਲਾ 78-74 ਨਾਲ ਜਿੱਤਿਆ। ਦੋਵਾਂ ਵਿਰੋਧੀਆਂ ਦੀ ਉਮਰ ‘ਚ 31 ਸਾਲ ਦਾ ਫਰਕ ਹੈ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
