ਜੈਪੁਰ ਵਿਖੇ ਨੈਸ਼ਨਲ ਖੇਡਾਂ ਵਿੱਚ ਰੋਮੀ ਘੜਾਮਾਂ ਨੇ ਜੜਿਆ ਮੈਡਲਾਂ ਦਾ ਚੌਕਾ

ਜੈਪੁਰ,(ਸਮਾਜ ਵੀਕਲੀ) (ਪੱਤਰ ਪ੍ਰੇਰਕ): ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਦੇ ਐੱਸ.ਐੱਮ.ਐੱਸ. (ਸਵਾਈ ਮਾਨ ਸਿੰਘ) ਸਟੇਡੀਅਮ ਵਿਖੇ 11ਵੀਆਂ ਐੱਸ.ਬੀ.ਕੇ.ਐੱਫ. ਨੈਸ਼ਨਲ ਖੇਡਾਂ ਵਿੱਚ ਵੱਖੋ-ਵੱਖ ਰਾਜਾਂ ਤੋਂ ਆਏ ਖਿਡਾਰੀਆਂ ਨੇ ਖੂਬ ਜੋਹਰ ਵਿਖਾਏ। ਇਸੇ ਦੌਰਾਨ ਗੁਰਬਿੰਦਰ ਸਿੰਘ (ਰੋਮੀ ਘੜਾਮਾਂ) ਨੇ ਪੰਜਾਬ ਵੱਲੋਂ 40+ ਉਮਰ ਵਰਗ ਲਈ ਖੇਡਦਿਆਂ 02 ਗੋਲਡ ਅਤੇ 02 ਸਿਲਵਰ ਮੈਡਲਾਂ ਸਮੇਤ ਕੁੱਲ 04 ਤਮਗੇ ਆਪਣੇ ਨਾਮ ਕੀਤੇ। ਉਨ੍ਹਾਂ 200 ਮੀਟਰ ਦੌੜ ਤੇ 04×400 ਰਿਲੇਅ ‘ਚ ਸਿਖਰਲੇ ਅਤੇ 21 ਕਿਲੋਮੀਟਰ ਦੌੜ (ਹਾਫ਼ ਮੈਰਾਥਨ) ਤੇ ਪੋਲ-ਵਾਲਟ ਵਿੱਚ ਦੂਸਰੇ ਸਥਾਨ ਮੱਲੇ। ਜਿਕਰਯੋਗ ਹੈ ਕਿ ਰੋਮੀ ਪਹਿਲਾਂ ਵੀ ਸਟੇਟ, ਨੈਸ਼ਨਲ ਅਤੇ ਇੰਟਰਨੈਸ਼ਨਲ ਪੱਧਰ ‘ਤੇ ਦਰਜਣਾਂ ਹੀ ਤਮਗੇ ਜਿੱਤ ਚੁੱਕਿਆ ਹੈ।