(ਸਮਾਜ ਵੀਕਲੀ)
ਮਾਂ ਦੀ ਸਿਫ਼ਤ ਵਿੱਚ ਬਹੁਤਿਆਂ ਲਿਖਿਆ
ਜਿੰਨਾ ਲਿਖਿਆ ਘੱਟ ਲਿਖਿਆ।
ਕਿਸੇ ਨੇ ਪਹਿਲੀ ਗੁਰੂ ਲਿਖਿਆ
ਕਿਸੇ ਨੇ ਮਾਂ ਨੂੰ ਰੱਬ ਲਿਖਿਆ
ਜੀਹਨੇ ਵੀ ਜੋ ਜੋ ਲਿਖਿਆ ਹੈ
ਸਭ ਨੇ ਹੀ ਹੈ ਸੱਚ ਲਿਖਿਆ।
ਮੈਨੂੰ ਮਾਂ ਜਾਪੇ ਠੰਡੀ ਛਾਂ ਜੇਹੀ
ਕਦੇ, ਘਣਿਆ ਜਿਹਾ ਕੋਈ ਰੁੱਖ ਲੱਗਿਆ
ਸੀਸਾਂ ਤੇਰੀਆ ਮਿੱਠੇ ਫਲ ਨੇ
ਕਦੇ ਬੁੱਕਲ ਦਾ ਨਿੱਘ ਲੱਗਿਆ।
ਤੇਰੇ ਝਿੜਕੇ ਕਦੇ ਨਾ ਰਿੜਕੇ
ਜਿਵੇਂ ਦੇਸੀ ਘਿਉ ਜਾਂ ਦੁੱਧ ਲੱਗਿਆ।
ਇਹੀ ਦੁਆਵਾਂ ਸਭ ਦੀਆਂ ਮਾਵਾਂ
ਦੀ ਉਮਰ ਲਮੇਰੀ ਹੋ ਜਾਵੇ
ਹਰ ਧੀ ਤੇ ਹਰ ਪੁੱਤ ਦੇ ਲਈ
ਹਰ ਦਿਨ ਹੀ ਮਾਂ ਦਾ ਦਿਨ ਹੋ ਜਾਵੇ
ਨਾ ਧੀ ਪੁੱਤ ਵਿਛੜੇ ਨਾ ਮਾਂ ਕਦੇ ਜਾਵੇ
ਹੋਰ ‘ਗੜ੍ਹੀ ‘ ਭਲਾ ਕੀ ਚਾਵੇ!
Ashlesh Kumar
