ਮਾਂ ਬੋਲੀ ਦੀ ਲਿਪੀ

(ਸਮਾਜ ਵੀਕਲੀ)

ੳ,ਅ,ੲ,ਸ,ਹ ਕਹਿੰਦੇ ਆਓ,
ਸੁਭਾ ਸਵੇਰੇ ਜਲਦੀ ਉੱਠੋ,
ਨਿੱਤ ਸੈਰ ਨੂੰ ਜਾਓ।
ਕ,ਖ,ਗ,ਘ, ਙ ਆਓ ਪੜ੍ਹੀਏ,
ਰੋਜ਼ ਨਹਾਓ ਵਰਦੀ ਪਾਓ,
ਦੰਦ ਸਾਫ਼ ਨਿੱਤ ਕਰੀਏ।
ਚ,ਛ,ਜ,ਝ,ਞ ਖ਼ਾਲੀ ਰਹਿਣਾ,
ਅਧਿਆਪਕ ਦਾ ਪਿਆਰ ਪਾਉਣ,
ਉਹ ਮੰਨਣ ਜਿਹੜੇ ਕਹਿਣਾ।
ਟ,ਠ,ਡ,ਢ, ਅਗਲਾ ਅੱਖਰ ਣ,
ਸਦਾ ਸਮੇਂ ਸਿਰ ਜਾਓ ਸਕੂਲੇ,
ਰੋਜ਼ ਸਭਾ ਵਿਚ ਜਾਣਾ।
ਤ,ਥ,ਦ,ਧ,ਨ ਸਾਰੇ ਬੋਲੋ,
ਸੁੰਦਰ ਸਾਫ਼ ਸਕੂਲ ਨੂੰ ਰੱਖੋ,
ਬੇਅਰਥ ਨਾ ਪਾਣੀ ਡੋਲ੍ਹੋ।
ਪ,ਫ,ਬ,ਭ,ਮ ਸੁਣੋ ਸੁਣਾਓ,
ਨਕਲ ਨਾ ਮਾਰੋ, ਯਾਦ ਕਰੋ,
ਖ਼ੁਦ ਸੋਹਣੇ ਅੱਖਰ ਪਾਓ।
ਯ,ਰ,ਲ,ਵ ਪੈਂਤੀਵਾਂ ਅੱਖਰ ੜ,
ਚੋਰੀ ਦੀ ਆਦਤ ਹੈ ਮਾੜੀ,
ਮੂੰਹੋਂ ਨਾ ਬੋਲੋ ਕਦੇ ਮਾੜਾ।
ਬਿੰਦੀ ਵਾਲੇ ਛੇ ਅੱਖਰ,
ਦਸ ਲਗਾਂ ਅੱਧਕ ਤੇ ਟਿੱਪੀ,
ਮਾਂ ਬੋਲੀ ਪੰਜਾਬੀ ਨੂੰ ਲਿਖੀਏ
ਵਿੱਚ ਗੁਰਮੁੱਖੀ ਲਿੱਪੀ।
ਮਾਖਿਓ ਮਿੱਠੀ ਮਾਂ ਬੋਲੀ,
ਨੂੰ ਕਰੋ ਪਿਆਰ ਸਤਿਕਾਰ।
ਤਵਾਰੀਖ ਚੋਂ ਮਿਟ ਜਾਂਦੇ ਉਹ,
ਦੇਣ ਜੋ ਮਨੋਂ ਵਿਸਾਰ।

ਮਾਸਟਰ ਪ੍ਰੇਮ ਸਰੂਪ ਛਾਜਲੀ ਜ਼ਿਲ੍ਹਾ ਸੰਗਰੂਰ
9417134982

ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly