ਪੈਸਾ

(ਸਮਾਜ ਵੀਕਲੀ)

ਰੁਕੇ ਹੋਏ ਕੰਮ ਕਰਾਏ ਪੈਸਾ,
ਵੈਰੀ ਨੂੰ ਮੀਤ ਬਣਾਏ ਪੈਸਾ।
ਉਸ ਦਾ ਚਿਹਰਾ ਖਿੜੇ ਫੁੱਲ ਵਾਂਗ,
ਜਿਸ ਦੀ ਜੇਬ ‘ਚ ਆਏ ਪੈਸਾ।
ਇਸ ਦਾ ਨਸ਼ਾ ਬਹੁਤ ਹੀ ਮਾੜਾ,
ਖ਼ੁਦਾ ਨੂੰ ਵੀ ਭੁਲਾਏ ਪੈਸਾ।
ਜਿੱਥੇ ਬੰਦਾ ਕੰਮ ਨਾ ਆਏ,
ਉੱਥੇ ਕੰਮ ਆਏ ਪੈਸਾ।
ਜਦ ਵੱਧ ਜਾਵੇ ਹੱਦੋਂ ਵੱਧ,
ਰਾਤਾਂ ਦੀ ਨੀਂਦ ਚੁਰਾਏ ਪੈਸਾ।
ਉਸ ਨੂੰ ਕਰੇ ਕੱਖੋਂ ਹੌਲਾ,
ਜਿਸ ਦੇ ਕੋਲੋਂ ਜਾਏ ਪੈਸਾ।
ਇਸ ਬਿਨਾਂ ਨਾ ਕੋਈ ਪੁੱਛੇ,
ਬੰਦੇ ਦੀ ਬੁੱਕਤ ਵਧਾਏ ਪੈਸਾ।
ਹਰ ਖੁਸ਼ੀ ਤੇ ਹਰ ਗ਼ਮੀ ਮੌਕੇ,
ਬੰਦੇ ਦਾ ਸਾਥ ਨਿਭਾਏ ਪੈਸਾ।

ਮਹਿੰਦਰ ਸਿੰਘ ਮਾਨ
ਸਲੋਹ ਰੋਡ
ਨਵਾਂ ਸ਼ਹਿਰ-9915803554

‘ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly