ਮੋਦਨ ਸਿੰਘ ਲੋਹੀਆਂ ਯਾਦਗਾਰੀ ਪੁਰਸਕਾਰ ਕਰਮ ਸਿੰਘ ਜ਼ਖ਼ਮੀ ਨੂੰ
(ਸਮਾਜ ਵੀਕਲੀ)
ਪਟਿਆਲਾ, 16 ਮਾਰਚ (ਰਮੇਸ਼ਵਰ ਸਿੰਘ)- ਪੰਜਾਬੀ ਸਾਹਿਤ ਸਭਾ ਸ਼੍ਰੀ ਮੁਕਤਸਰ ਸਾਹਿਬ ਵਲੋਂ 17 ਮਾਰਚ ਦਿਨ ਐਤਵਾਰ ਨੂੰ ਸਾਲਾਨਾ ਸਾਹਤਿਕ ਸਮਾਗਮ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਪੰਜਾਬੀ ਦੇ ਪ੍ਰਸਿੱਧ ਲੋਕ ਪੱਖੀ ਸਾਹਿਤਕਾਰ ਕਰਮ ਸਿੰਘ ਜ਼ਖ਼ਮੀ ਨੂੰ ਸ. ਮੋਦਨ ਸਿੰਘ ਲੋਹੀਆਂ ਯਾਦਗਾਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਕਰਮ ਸਿੰਘ ਜ਼ਖ਼ਮੀ ਆਪਣੀਆਂ ਲੋਕ ਪੱਖੀ ਰਚਨਾਵਾਂ ਕਰ ਕੇ ਹਰ ਵਰਗ ਦਾ ਪਿਆਰਿਆ ਜਾਣ ਵਾਲਾ ਮਕਬੂਲ ਲੇਖਕ ਹੈ ਅਤੇ ਜਿੱਥੇ ਉਸ ਦੇ ਲਿਖੇ ਗੀਤ ਪੰਜਾਬੀ ਦੇ ਨਾਮਵਰ ਢਾਡੀ ਜਥਿਆਂ ਨੇ ਰਿਕਾਰਡ ਕਰਵਾਏ ਹਨ, ਉੱਥੇ ਉਸ ਦੀਆਂ ਲਿਖੀਆਂ ਪੁਸਤਕਾਂ ਨੂੰ ਵੀ ਸਾਹਿਤਕ ਹਲਕਿਆਂ ਵਿੱਚ ਬੇਹੱਦ ਸਲਾਹਿਆ ਗਿਆ ਹੈ। ਹੁਣ ਤੱਕ ਉਸ ਦੀਆਂ ਗਿਆਰਾਂ ਮੌਲਿਕ, ਛੇ ਸੰਪਾਦਿਤ ਅਤੇ ਪੰਦਰਾਂ ਅਨੁਵਾਦਿਤ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ।
