(ਸਮਾਜ ਵੀਕਲੀ)
ਮੈਂ ਤੇਰੀ ਜੱਦ ‘ਚੋਂ ਮਨਫੀ,
ਤੇ ਬੇਜਾਰ ਕਿਉਂ ਹੁੰਦਾ ਹਾਂ ।
ਮੈਂ ਹਾਜ਼ਰ ਹੋਣ ਲਈ,
ਬੇਕਰਾਰ ਕਿਉਂ ਹੁੰਦਾ ਹਾਂ।
ਤੇਰੇ ਇਸ ਨਾਟਕ ਦਾ,
ਕਿਰਦਾਰ,
ਮੈਂ ਗੌਣ ਕਿਉਂ ਬਣ ਜਾਨੈਂ !
ਜਦ ਕਿ ਮੈਂ ਇਸ ਦਾ,
ਸੂਤਰਧਾਰ ਹੁੰਦਾ ਹਾਂ।
ਮੇਰੇ,ਤੇਰੇ ਹੱਕ ਇਕੱਠੇ,
ਤੇ ਸਾਂਝੇ ਨੇ ਜਦੋਂ।
ਜਿੱਤ ਤੇਰੀ ਹਰ ਵਾਰ,
ਮੈਂ ਹਾਰ ਰਿਹਾ ਕਿਉਂ ਹੁੰਦਾ ਹਾਂ !
ਤੇਜ਼ ਹਵਾਵਾਂ,
ਹਨੇਰੀਆਂ ਦਾ,
ਚਿਹਰਾ ਬਣਾ ਕੇ,
ਪੇਸ਼ ਕਿਉਂ ਕਰਦੈਂ ਮੈਨੂੰ !
ਮਸ਼ਾਲ ਲੈ ਕੇ ਰੋਸ਼ਨੀ ਦੀ,
ਹੱਥ ਵਿਚ,
ਜਦੋਂ ਅਲੰਬਰਦਾਰ,
ਮੈਂ ਹੁੰਦਾ ਹਾਂ।
(ਜਸਪਾਲ ਜੱਸੀ)
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
