(ਸਮਾਜ ਵੀਕਲੀ)- ਇੱਕ ਵਾਰ ਰਸਤੇ ਵਿੱਚ ਇੱਕ ਵਿਅਕਤੀ ਯਮਰਾਜ ਨੂੰ ਮਿਲਿਆ, ਉਹ ਵਿਅਕਤੀ ਯਮਰਾਜ ਨੂੰ ਪਛਾਣ ਨਹੀਂ ਸਕਿਆ। ਯਮਰਾਜ ਨੇ ਉਸ ਆਦਮੀ ਤੋਂ ਪੀਣ ਲਈ ਪਾਣੀ ਮੰਗਿਆ, ਉਸ ਨੇ ਇੱਕ ਪਲ ਬਰਬਾਦ ਕੀਤੇ ਬਿਨਾਂ ਉਸਨੂੰ ਪਾਣੀ ਦਿੱਤਾ।
ਪਾਣੀ ਪੀਣ ਤੋਂ ਬਾਅਦ ਯਮਰਾਜ ਨੇ ਕਿਹਾ ਕਿ ਉਹ ਉਸ ਆਦਮੀ ਦੀ ਜਾਨ ਲੈਣ ਆਇਆ ਹੈ ਪਰਤੁਸੀਂ ਮੇਰੀ ਪਿਆਸ ਬੁਝਾਈ ਹੈ, ਇਸ ਲਈ ਮੈਂ ਤੁਹਾਨੂੰ ਆਪਣੀ ਕਿਸਮਤ ਬਦਲਣ ਦਾ ਮੌਕਾ ਦੇਵਾਂਗਾ। ਇਹ ਕਹਿ ਕੇ ਯਮਰਾਜ ਨੇ ਉਸ ਆਦਮੀ ਨੂੰ ਡਾਇਰੀ ਦਿੱਤੀ ਅਤੇ ਕਿਹਾ ਕਿ ਤੁਹਾਡੇ ਕੋਲ ਪੰਜ ਮਿੰਟ ਦਾ ਸਮਾਂ ਹੈ। ਇਸ ਵਿੱਚ ਜੋ ਵੀ ਲਿਖੋ ਉਹ ਹੋ ਜਾਵੇਗਾ ਪਰ ਸਿਰਫ ਪੰਜ ਮਿੰਟ ਯਾਦ ਰੱਖੋ।
ਜਦੋਂ ਉਸ ਵਿਅਕਤੀ ਨੇ ਡਾਇਰੀ ਖੋਲ੍ਹੀ ਤਾਂ ਉਸ ਨੇ ਦੇਖਿਆ ਕਿ ਪਹਿਲੇ ਪੰਨੇ ‘ਤੇ ਲਿਖਿਆ ਸੀ ਕਿ ਉਸ ਦਾ ਗੁਆਂਢੀ ਲਾਟਰੀ ਜਿੱਤਣ ਜਾ ਰਿਹਾ ਹੈ ਅਤੇ ਉਹ ਕਰੋੜਪਤੀ ਬਣਨ ਜਾ ਰਿਹਾ ਹੈ। ਉਸ ਨੇ ਉੱਥੇ ਲਿਖਿਆ ਕਿ ਉਸ ਦੇ ਗੁਆਂਢੀ ਦੀ ਲਾਟਰੀ ਨਹੀਂ ਲੱਗਣੀ ਚਾਹੀਦੀ।
ਅਗਲੇ ਪੰਨੇ ‘ਤੇ ਲਿਖਿਆ ਸੀ ਕਿ ਉਸ ਦਾ ਇਕ ਦੋਸਤ ਚੋਣਾਂ ਜਿੱਤ ਕੇ ਮੰਤਰੀ ਬਣਨ ਜਾ ਰਿਹਾ ਹੈ, ਇਸ ਲਈ ਉਸ ਨੇ ਪੰਨੇ ਤੇ ਲਿਖਿਆ ਕਿ ਉਸ ਦਾ ਦੋਸਤ ਚੋਣ ਹਾਰ ਜਾਵੇ।
ਇਸ ਤਰ੍ਹਾਂ ਉਹ ਪੰਨੇ ਪਲਟਦਾ ਰਿਹਾ ਅਤੇ ਆਖਰਕਾਰ ਆਪਣਾ ਪੰਨਾ ਦੇਖਿਆ। ਜਿਵੇਂ ਹੀ ਉਸਨੇ ਕੁਝ ਲਿਖਣ ਲਈ ਆਪਣੀ ਕਲਮ ਚੁੱਕੀ ਤਾਂ ਯਮਰਾਜ ਨੇ ਉਸ ਵਿਅਕਤੀ ਦੇ ਹੱਥੋਂ ਡਾਇਰੀ ਲੈ ਲਈ ਅਤੇ ਕਿਹਾ, ‘ਵਤਸ, ਤੁਹਾਡਾ ਪੰਜ ਮਿੰਟ ਦਾ ਸਮਾਂ ਪੂਰਾ ਹੋ ਗਿਆ ਹੈ, ਹੁਣ ਕੁਝ ਨਹੀਂ ਹੋ ਸਕਦਾ।’
ਤੁਸੀਂ ਆਪਣਾ ਸਾਰਾ ਸਮਾਂ ਦੂਸਰਿਆਂ ਦੇ ਮਾੜੇ ਕੰਮਾਂ ਵਿੱਚ ਲਗਾ ਦਿੱਤਾ ਅਤੇ ਆਪਣੀ ਜਾਨ ਨੂੰ ਖਤਰੇ ਵਿੱਚ ਪਾ ਦਿੱਤਾ। ਆਖ਼ਰ ਤੇਰਾ ਅੰਤ ਨਿਸ਼ਚਿਤ ਹੈ।
ਇਹ ਸੁਣ ਕੇ ਆਦਮੀ ਨੂੰ ਬਹੁਤ ਪਛਤਾਵਾ ਹੋਇਆ ਪਰ ਸੁਨਹਿਰੀ ਮੌਕਾ ਹੱਥੋਂ ਨਿਕਲ ਗਿਆ।
ਸਿੱਖਿਆ- ਜੇਕਰ ਪ੍ਰਮਾਤਮਾ ਨੇ ਤੁਹਾਨੂੰ ਕੋਈ ਸ਼ਕਤੀ ਦਿੱਤੀ ਹੈ, ਤਾਂ ਕਦੇ ਕਿਸੇ ਦਾ ਬੁਰਾ ਨਾ ਸੋਚੋ, ਨਾ ਮਾੜਾ ਕਰੋ। ਦੂਸਰਿਆਂ ਦਾ ਭਲਾ ਕਰਨ ਵਾਲਾ ਹਮੇਸ਼ਾ ਖੁਸ਼ ਰਹਿੰਦਾ ਹੈ ਅਤੇ ਪ੍ਰਮਾਤਮਾ ਦੀਆਂ ਅਸੀਸਾਂ ਹਮੇਸ਼ਾ ਉਸਦੇ ਨਾਲ ਰਹਿੰਦੀਆਂ ਹਨ।
ਜਸਵਿੰਦਰ ਪਾਲ ਸ਼ਰਮਾ
ਸਸ ਮਾਸਟਰ
ਸਸਸਸ ਹਾਕੂਵਾਲਾ
ਸ੍ਰੀ ਮੁਕਤਸਰ ਸਾਹਿਬ
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
