ਮਨੋਰੰਜਨ ਦੇ ਸਾਧਨ

(ਸਮਾਜ ਵੀਕਲੀ)

ਪਹਿਲੇ ਸਮੇਂ ਮਨੋਰੰਜਨ ਦੇ,
ਸਾਧਨ ਸੀ ਨਿਰਾਲੇ,
ਮਨਪਰਚਾਵੇ ਲਈ ਮਨੁੱਖ,
ਕਰਦਾ ਸੀ ਉਪਰਾਲੇ।
ਲਉ ਬੱਚਿਓ ਉਸ ਦੀ ਗਾਥਾ,
ਥੋਨੂੰ ਇੱਕ ਸੁਣਾਵਾਂ,
ਗਲੀਆਂ ਦੇ ਵਿੱਚ ਫਿਰਦਾ ਭਾਈ
ਆਉ ਮੈਂ ਦਿਖਾਵਾਂ।
ਮੋਢੇ ਉੱਤੇ ਰੱਖ ਇੱਕ ਡੱਬਾ,
ਹੋਕਾ ਸੀ ਉਹ ਲਾਉਂਦਾ।
ਬਾਰਾਂ ਮਣ ਕੀ ਧੋਬਣ ਬੱਚਿਓ,
ਫਿਲਮ ਦੇ ਵਿੱਚ ਦਿਖਾਉਂਦਾ।
ਰੱਖ ਲੱਕੜੀ ਦੀ ਵਹਿੰਗੀ ਉੱਤੇ,
ਚਾਬੀ ਨਾਲ ਚਲਾਵੇ।
ਨਾਲ ਉਸ ਦੇ ਵੱਜੇ ਸਪੀਕਰ,
ਵਧੀਆ ਗੀਤ ਸੁਣਾਵੇ।
ਵਾਰੋ ਵਾਰੀ ਵੇਖਣ ਸਾਰੇ,
ਆਉਂਦੇ ਖੂਬ ਨਜ਼ਾਰੇ।
ਤਰਾਂ- ਤਰਾਂ ਦੀਆਂ ਫੋਟੋ ਦੇ ਨਾਲ,
ਲੱਗਦੇ ਸੀਨ ਪਿਆਰੇ।
ਬੜਾ ਚਾਅ ਬੱਚਿਆਂ ਨੂੰ ਹੁੰਦਾ,
ਜਦ ਵੀ ਭਾਈ ਆਉਂਦਾ।
ਸਾਰੇ ਘਰਾਂ ਤੋਂ ਲਿਆਉਂਦੇ ਪੈਸੇ,
ਪੱਤੋ, ਆਵਾਜ਼ ਲਗਾਉਂਦਾ।
‘ਬਾਰਾ ਮਣ ਕੀ ਧੋਬਣ ਵੇਖਲੈ”

ਹਰਪ੍ਰੀਤ ਪੱਤੋ

ਪਿੰਡ ਪੱਤੋ ਹੀਰਾ ਸਿੰਘ ਮੋਗਾ ਫੋਨ ਨੰਬਰ
94658-21417