(ਸਮਾਜ ਵੀਕਲੀ)
ਸਿਰ ਤੇ ਚੱਕ ਕੇ ਇੱਟਾਂ ਮਿੱਟੀ ਗਾਰਾ
ਓਹ ਘਰ ਬਣਾਈ ਜਾਂਦਾ ਏ
ਆਪਣਾ ਘਰ ਬਣਾ ਨਾ ਹੋਵੇ ਜਿਸ ਤੋਂ
ਦੂਜਿਆਂ ਲਈ ਛੱਤਾਂ ਪਾਈ ਜਾਂਦਾ ਏ
ਅੱਖਾਂ ਵਿੱਚ ਸੁਪਨੇ ਸੁੱਕੇ ਬੁੱਲਾਂ ਨਾਲ
ਥੱਕੇ ਸਰੀਰ ਨਾਲ ਦੁਖਦੇ ਪੈਰਾਂ ਨਾਲ
ਲੋਕਾਂ ਲਈ ਕੰਮ ਕਰਦਾ ਰਹਿੰਦਾ
ਭਰਾ ਮਜ਼ਦੂਰ ਦੇਖੋ ਦਿਹਾੜੀ ਲਾਈ ਜਾਂਦਾ ਏ
ਸਾਰੀ ਉਮਰ ਮਜ਼ਦੂਰੀ ਕਰਦਾ ਲੋਕਾਂ ਲਈ
ਖ਼ੁਸ਼ੀਆਂ ਢੋਂਦਾ ਮਹਿਲਾਂ ਨੂੰ ਉਸਾਰੀ ਜਾਂਦਾ ਏ
ਕਈ ਵਾਰੀ ਤਾਂ ਭੁੱਖੇ ਢਿੱਡ ਹੀ ਮਜ਼ਦੂਰ ਭਰਾ
ਸਾਰਾ ਦਿਨ ਕੰਮ ਤੇ ਸਰੀਰ ਖ਼ਪਾਈ ਜਾਂਦਾ ਏ
ਆਪਣੇ ਸੁਪਨੇ ਕਈ ਸੁਪਨੇ ਰਹਿ ਜਾਂਦੇ
ਹੋਰਾਂ ਲਈ ਸੁਪਨਿਆ ਦੇ ਮਹਿਲ ਬਣਾਈ ਜਾਂਦਾ ਏ
ਕਦੇ ਖੇਤ “ਚ ਕਦੇ ਫੈਕਟਰੀ, ਕਦੇ ਕਰਿੰਦਾ ਬਣ
ਲੋਕਾਂ ਦੇ ਲਈ ਜੀਵਨ ਲੇਖੇ ਲਾਈ ਜਾਂਦਾ ਏ
ਕਦੇ ਲੋਕਾਂ ਦੇ ਘਰ ਸਫਾਈ ਕਰੇ ਕਦੇ ਗਟਰ “ਚ
ਆਪ ਮੁਕਾ ਕੇ ਲੋਕਾਂ ਨੂੰ ਸਾਹ ਦਵਾਈ ਜਾਂਦਾ ਏ
ਜੇ ਨਾ ਹੁੰਦਾ ਮਜ਼ਦੂਰ ਰੁਲ ਜਾਣੀ ਸੀ ਦੁਨੀਆਂ
ਐਸ਼ ਨਾ ਹੁੰਦੀ ਵੱਡੇ ਲੋਕਾਂ ਨੂੰ ਐਸ਼ ਦਵਾਈ ਜਾਂਦਾ ਏ
ਸੋਨਾ ਚਾਂਦੀ ਕਾਰਾਂ ਕੋਠੀਆਂ ਐਸ਼ ਅਰਾਮ ਨਾ ਹੁੰਦੇ
ਖਾਣ ਪੀਣ ਨਾ ਮਿਲਦਾ ਕਿਸੇ ਨੂੰ ਭੁੱਖੇ ਰਹਿੰਦੇ
ਮਜ਼ਦੂਰ ਹੈ ਜੋ ਸਭ ਇਹ ਕੰਮ ਕਰਾਈ ਜਾਂਦਾ ਏ
ਧਰਮਿੰਦਰ ਕਦਰ ਕਰੋ ਮਿਹਨਤਕਸ਼ ਲੋਕਾਂ ਦੀ
ਕਿਸੇ ਲਈ ਮਜ਼ਦੂਰ ਇਹ ਆਪਾ ਖਪਾਈ ਜਾਂਦਾ ਏ।
ਧਰਮਿੰਦਰ ਸਿੰਘ ਮੁੱਲਾਂਪੁਰੀ 9872000461
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
