(ਸਮਾਜ ਵੀਕਲੀ)
ਮਿੱਠੀ ਪੌਣ, ਦਰਿਆ ਕਿਨਾਰਾ, ਠਹਿਰ ਜਰਾ।
ਲੈ ਲੈਣ ਦੇ ਥੋੜਾ ਹੋਰ ਨਜ਼ਾਰਾ ,ਠਹਿਰ ਜ਼ਰਾ।
ਹਾੜ ਦੀਆਂ ਲੂਆਂ ਨੇ, ਤਨ ਮਨ ਕੋਹ ਸੁੱਟਿਆ,
ਆਇਆ ਬੜਾ ਸਕੂਨ ਏ ਭਾਰਾ,ਠਹਿਰ ਜਰਾ।
ਡੂੰਘੀਆਂ ਘਾਟੀਆਂ,ਉੱਚੇ ਪਰਬਤ ਰੋਕ ਰਹੇ,
ਬੜਾ ਈ ਏ, ਦਿਲਕਸ਼ ਨਜਾਰਾ ਠਹਿਰ ਜ਼ਰਾ।
ਟੀਸੀਆਂ ਉਤੇ ਰੁੱਖ ਉਗਾਏ ਰਹਿਮਤ ਦੇ,
ਕਿੰਨਾ ਏ ਰਮਣੀਕ ਨਜ਼ਾਰਾ ,ਠਹਿਰ ਜ਼ਰਾ।
ਅਰਸ਼ੀ ਢੇਰ ਲਗਾਵੇ ਪਹਿਲਾਂ ,ਚਾਂਦੀ ਦੇ ,
ਫਰਸੀ ਸੋਨਾ ਫੇਰ ਵਿਛਾਵੇ, ਠਹਿਰ ਜਰਾ।
ਅਨਹਦ ਨਾਦ ਵਜਾਵੇ, ਕੁਦਰਤ ਅੰਦਰ ਉਹ,
ਕਲ- ਕਲ ਵਹਿੰਦੀ ਨਿਰਮਲ ਧਾਰਾ ਵੇਖ ਜ਼ਰਾ।
ਸਤਨਾਮ ਕੌਰ ਤੁਗਲਵਾਲਾ
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly