(ਸਮਾਜ ਵੀਕਲੀ)
ਨੀਂਵੇਂ ਹੋ ਕੇ ਰਹੀਏ ਸਾਫ਼ ਨੀਅਤ ਰੱਖੀਏ
ਭੁੱਲ ਕੇ ਵੀ ਬੁਰਾ ਨਾਂ ਕਿਸੇ ਦਾ ਤੱਕੀਏ,
ਦਿਲ ‘ਚ ਕਦੇ ਨਾਂ ਰੱਖੀਏ ਗਰੂਰੀਆਂ
ਆਪ਼ੇ ਦਾਤਾ ਕਰਦਾ ਏ ਰੀਝਾਂ ਪੂਰੀਆਂ।
ਜੇ ਦੇਵੇ ਰੱਬ ਬਹੁਤਾ ਸ਼ੁਕਰ ਮਨਾ ਲਈਏ
ਆਪਸ ਦੇ ਵਿੱਚ ਵੰਡ ਵੰਡ ਖਾ ਲਈਏ
ਫਿਰ ਰੱਖਦਾ ਨਾਂ ਰੱਬ ਸਧਰਾਂ ਅਧੂਰੀਆਂ
ਆਪੇ ਦਾਤਾ ਕਰਦਾ ਏ ਰੀਝਾਂ ਪੂਰੀਆਂ।
ਕਿਸੇ ਦਾ ਉਜਾੜ ਆਪਣਾ ਨਹੀਂ ਵਸਦਾ
ਘੋੜਾ ਬੇਈਮਾਨੀ ਦਾ ਕਦੇ ਨਹੀਂ ਨੱਠਦਾ,
ਬੇਈਮਾਨਾ ਕੋਲੋਂ ਰੱਖੇ ‘ਬਲਦੇਵ’ ਦੂਰੀਆਂ
ਆਪ਼ੇ ਦਾਤਾ ਕਰਦਾ ਏ ਰੀਝਾਂ ਪੂਰੀਆਂ।
ਪੀ ਕੇ ਸ਼ਰਾਬ ਨਹੀਂ ਖ਼ਰੂਦ ਪਾਈਦਾ
ਪੀ ਕੇ ਘਰੇ ਕਿਸੇ ਦੇ ਕਦੇ ਨਹੀਂ ਜਾਈਦਾ,
ਪੀਤ਼ੀ ਖਾਧੀ ਵਿੱਚ ਪੈਂਦੀਆਂ ਭਸੂੜੀਆਂ
ਆਪੇ ਦਾਤਾ ਕਰਦਾ ਏ ਰੀਝਾਂ ਪੂਰੀਆਂ।
ਗੁੱਸੇਖੋਰ ਬੰਦੇ ਦੇ ਨੇੜੇ ਨਹੀਂ ਖੜ੍ਹੀਦਾ
ਮੂਰਖਾਂ ਦੇ ਨਾਲ ਝਗੜਾ ਨਹੀਂ ਕਰੀਦਾ,
ਦੱਸਦਾ ‘ਅਮਰਜੀਤ’ ਗੱਲਾਂ ਗੂੜ੍ਹੀਆਂ
ਆਪ਼ੇ ਦਾਤਾ ਕਰਦਾ ਏ ਰੀਝਾਂ ਪੂਰੀਆਂ।
ਬਲਦੇਵ ਸਿੰਘ ‘ਪੂਨੀਆਂ’
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
