ਸਰਵਹਿੱਤਕਾਰੀ ਵਿੱਦਿਆ ਮੰਦਿਰ ਹਾਈ ਸਕੂਲ ਛੋਕਰਾਂ ਵਿਖੇ “ਹਰਿਆਵਲ ਦਿਵਸ” ਮਨਾਇਆ 

ਜਲੰਧਰ, ਫਿਲੌਰ, ਅੱਪਰਾ (ਜੱਸੀ)-ਗ੍ਰੀਨ ਡੇ ਜਸ਼ਨ – ਹਰਾ ਰੰਗ ਸ਼ੁੱਧਤਾ, ਨਿਰਦੋਸ਼ਤਾ, ਰੋਸ਼ਨੀ ਅਤੇ ਚੰਗਿਆਈ ਨੂੰ ਦਰਸਾਉਂਦਾ ਹੈ।  ਇਹ ਸੰਪੂਰਨਤਾ ਦਾ ਰੰਗ ਹੈ।  ਕਿਉਂਕਿ ਹਰਾ ਰੰਗ ਜੀਵਨ ਦੇ ਨਵੀਨੀਕਰਨ, ਕੁਦਰਤ ਅਤੇ ਊਰਜਾ ਦਾ ਰੰਗ ਹੈ ਜੋ ਵਿਕਾਸ, ਤਾਜ਼ਗੀ ਅਤੇ ਵਾਤਾਵਰਣ ਨਾਲ ਨੇੜਿਓਂ ਜੁੜਿਆ ਹੋਇਆ ਹੈ। 22 ਜੁਲਾਈ, ਸ਼੍ਰੀ ਇਲਮ ਚੰਦ ਸਰਵਹਿੱਤਕਾਰੀ ਵਿੱਦਿਆ ਮੰਦਿਰ ਹਾਈ ਸਕੂਲ ਛੋਕਰਾਂ ਦੇ ਨਰਸਰੀ ਤੋਂ ਦੂਜੀ ਕਲਾਸ ਦੇ ਵਿਦਿਆਰਥੀਆਂ ਨੇ ਹਰਾ ਰੰਗ ਦਿਵਸ ਮਨਾਇਆ।

  ਹਰਿਆਲੀ ਦਿਵਸ ਮਨਾਉਣ ਦਾ ਮਨੋਰਥ ਵਿਦਿਆਰਥੀਆਂ ਨੂੰ ਇਸ ਗੱਲ ਤੋਂ ਜਾਣੂ ਕਰਵਾਉਣਾ ਸੀ ਕਿ ਰੰਗ ਸਾਡੀ ਦੁਨੀਆਂ ਨੂੰ ਕਿਵੇਂ  ਬਿਹਤਰ  ਬਣਾਉਂਦੇ ਹਨ ਅਤੇ ਇਨ੍ਹਾਂ ਦੀ  ਕੀ ਮਹੱਤਤਾ ਹੈ। ਬੱਚਿਆਂ ਨੂੰ  ਅਧਿਆਪਕਾਂ ਨੇ ਵਿਦਿਆਰਥੀਆਂ ਨੂੰ ਹਰੇ ਫਲ ਅਤੇ ਸਬਜ਼ੀਆਂ ਖਾਣ ਲਈ ਵੀ ਪ੍ਰੇਰਿਤ ਕੀਤਾ। ਸ਼ਿਸ਼ੂ ਵਾਟਿਕਾ  ਦੀਦੀ ਸਰੋਜ ਰਾਣੀ ਜੀ ਦੁਆਰਾ ਬੱਚਿਆਂ ਨੂੰ ਪੌਦੇ ਲਗਾਉਣ ਅਤੇ ਪੌਦਿਆਂ ਦੇ ਮਹੱਤਵ ਅਤੇ ਲਾਭਾਂ ਵਾਰੇ ਜਾਣਕਾਰੀ ਦਿੱਤੀ ਗਈ।        ਵਿਦਿਆਰਥੀ ਆਪਣੇ ਹਰੇ ਰੰਗ ਦੇ ਪਹਿਰਾਵੇ ਵਿੱਚ ਬਹੁਤ ਹੀ ਸ਼ਾਨਦਾਰ ਅਤੇ ਉਤਸ਼ਾਹਿਤ ਦਿਖਾਈ ਦੇ ਰਹੇ ਸਨ।  ਕਲਾਸਰੂਮਾਂ ਅਤੇ ਬੋਰਡਾਂ ਨੂੰ ਹਰੇ ਰੰਗ ਦੀਆਂ ਵਸਤੂਆਂ ਨਾਲ ਸਜਾਇਆ ਗਿਆ ਸੀ, ਜਿਸ ਨਾਲ ਸ਼ਿਸ਼ੂ ਵਾਟਿਕਾ ਦਾ ਵਾਤਾਵਰਣ ਬਹੁਤ ਸੁੰਦਰ ਲੱਗ ਰਿਹਾ ਸੀ । ਬੱਚਿਆਂ ਨੇ ਅਧਿਆਪਕਾਂ ਦੇ ਸਹਿਯੋਗ ਨਾਲ ਪੌਦੇ ਵੀ ਲਗਾਏ।

 ਬੱਚਿਆਂ ਨੇ ਆਪਣੀ ਗਤੀਵਿਧੀ ਦਾ ਆਨੰਦ ਮਾਣਿਆ ਅਤੇ ਉਤਸ਼ਾਹ ਨਾਲ ਪ੍ਰਦਰਸ਼ਨ ਕੀਤਾ। ਅੰਤ ਵਿੱਚ ਸ਼ਿਸ਼ੂ ਵਾਟਿਕਾ  ਪ੍ਮੁੱਖ ਦੀਦੀ ਹਰਜੀਤ ਜੀ  ਨੇ ਬੱਚਿਆਂ ਨੂੰ  ਵਾਤਾਵਰਣ ਦੀ ਸੰਭਾਲ ਦੇ ਲਈ ਪ੍ਰੇਰਿਤ ਅਤੇ ਉਤਸ਼ਾਹਿਤ ਕੀਤਾ।