*ਰਾਤ ਦੇ ਸਮੇਂ ਡਾਕਟਰ ਤੇ ਸਟਾਫ਼ ਦੀ ਕਮੀ ਨੂੰ ਪੂਰਾ ਕਰਨ ਦੀ ਰੱਖੀ ਮੰਗ*ਸਿਵਲ ਸਰਜਨ ਜਲੰਧਰ ਨੇ 15 ਦਿਨਾਂ ‘ਚ ਮਸਲੇ ਨੂੰ ਹਲ ਕਰਨ ਦਾ ਦਿੱਤਾ ਭਰੋਸਾ*
ਫਿਲੌਰ/ਅੱਪਰਾ, (ਸਮਾਜ ਵੀਕਲੀ) (ਦੀਪਾ)-ਗ੍ਰਾਮ ਪੰਚਾਇਤ ਅੱਪਰਾ ਵਲੋਂ ਸਰਪੰਚ ਵਿਨੈ ਕੁਮਾਰ ਬੰਗੜ੍ਹ ਦੀ ਅਗਵਾਈ ਹੇਠ ਸਿਵਲ ਸਰਜਨ ਜਲੰਧਰ ਡਾ. ਰਮਨ ਗੁਪਤਾ ਨਾਲ ਇੱਕ ਅਹਿਮ ਮੀਟਿੰਗ ਕੀਤੀ ਗਈ | ਇਸ ਮੌਕੇ ਸਰਪੰਚ ਵਿਨੈ ਕੁਮਾਰ ਬੰਗੜ੍ਹ ਨਾਲ ਸ੍ਰੀ ਮੋਹਣ ਲਾਲ ਪੰਚਾਇਤ ਮੈਂਬਰ, ਸ੍ਰੀ ਰੂਪ ਲਾਲ ਪੰਚਾਇਤ ਮੈਂਬਰ ਤੇ ਸਰੀ ਮੁਕੇਸ਼ ਦਾਦਰਾ ਭਾਜਪਾ ਕਾਰਜਕਾਰਨੀ ਮੈਂਬਰ ਪੰਜਾਬ ਵੀ ਹਾਜ਼ਰ ਸਨ | ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਸਰਪੰਚ ਵਿਨੈ ਅੱਪਰਾ ਨੇ ਦੱਸਿਆ ਕਿ ਉਨਾਂ ਨੇ ਸਿਵਲ ਸਰਜਨ ਜਲੰਧਰ ਅੱਗੇ ਮੁੱਖ ਮੰਗ ਇਹ ਰੱਖੀ ਕਿ ਸਿਵਲ ਹਸਪਤਾਲ ਅੱਪਰਾ ਵਿਖੇ ਤਾਇਨਾਤ ਸਟਾਫ਼ ਦੀ ਗਿਣਤੀ ‘ਚ ਵਾਧਾ ਕੀਤੀ ਜਾਵੇ ਤੇ ਰਾਤ ਦੇ ਸਮੇਂ ਵੀ ਡਾਕਟਰ ਦੇ ਮੌਜੂਦ ਰਹਿਣ ਦੀ ਡਿਊਟੀ ਲਗਾਈ ਜਾਵੇ | ਸਿਵਲ ਸਰਜਨ ਜਲੰਧਰ ਵਲੋਂ ਗ੍ਰਾਮ ਪੰਚਾਇਤ ਅੱਪਰਾ ਨੂੰ ਭਰੋਸਾ ਦਵਾਇਆ ਗਿਆ ਕਿ ਉਕਤ ਮਸਲੇ ਦਾ ਹਲ ਅਗਲੇ 15 ਦਿਨਾਂ ਦੇ ਅੰਦਰ ਅੰਦਰ ਕਰ ਦਿੱਤਾ ਜਾਵੇਗਾ |
