(ਸਮਾਜ ਵੀਕਲੀ)
ਅਸਲੀ ਨਾਮ ਨਾਲ ਨਾ ਪਛਾਨਣ,
ਲੋਕੀਂ ਪਾ ਲੈਣ ਕੋਈ ਨਾ ਕੋਈ ਅੱਲ l
ਪਾਣੀ ਬਿਨਾਂ ਹੈ ਔਖੀ ਖੇਤੀ ਕਰਨੀ,
ਸੌਖਾ ਨਹੀਂ ਹੁੰਦਾ ਚਲਾਉਣਾ ਹਲ l
ਸੋਚ ਸਮਝ ਕੇ ਸਾਰੀ ਜ਼ਿੰਦਗੀ ਜੀਓ,
ਮੁੜ ਹੱਥ ਨਾ ਆਵੇ ਬੀਤਿਆ ਕੱਲ੍ਹ l
ਬਚਾਉਣਾ ਆਪਣੇ ਆਪ ਨੂੰ ਸਿੱਖੋ,
ਨਹੀਂ ਤਾਂ ਦੂਜੇ ਲਾਹ ਲੈਣਗੇ ਖੱਲ l
ਚੁੱਪ ਕਰ ਬੈਠੇ ਰਹਿਣਾ ਨਹੀਂ ਚੰਗਾ,
ਕਰਦੇ ਰਹੋ ਮਸਲਿਆਂ ਵਾਲੀ ਗੱਲ l
ਦੁਨੀਆਂ ਤੇ ਜੇ ਲੰਬਾ ਜਿਉਣਾ ਹੈ ਤਾਂ,
ਉਪਰਾਲੇ ਕਰੋ ਬਚਾਉਣ ਲਈ ਜਲ l
ਦਰੱਖਤਾਂ ਬਿਨਾਂ ਹੈ ਕਾਹਦੀ ਜ਼ਿੰਦਗੀ?
ਸੋਚ ਲਿਆ ਕਰੋ ਕੱਢ ਕੇ ਦੋ ਪਲ l
ਸੌਖਾ ਜਿਸ ਨੂੰ ਸਭ ਕੁੱਝ ਮਿਲ ਜਾਵੇ,
ਪਚਦੀ ਫਿਰ ਨਹੀਂ ਉਸ ਨੂੰ ਭੱਲ l
ਬਦਲੋ ਸੋਚਾਂ, ਇਕੱਠੇ ਹੋ ਕਰੋ ਉਪਾਅ,
ਗਰੀਬੀ ਨੂੰ ਜੇ ਪਾਉਣੀ ਹੈ ਠੱਲ੍ਹ l
ਆਪਣੀਆਂ ਜੜ੍ਹਾਂ ਨਾਲ ਜੁੜ ਕੇ ਰਹੋ,
ਨਹੀਂ ਤਾਂ ਰੋੜ੍ਹ ਕੇ ਲੈ ਜਾਊ ਕੋਈ ਛੱਲ l
ਦੂਜਿਆਂ ਦੇ ਨਾਲ ਨਾ ਲੜਨਾ ਚੰਗਾ,
ਬੈਠ ਕੇ ਕਰੋ ਵਿਚਾਰਾਂ ਤੇ ਮਸਲੇ ਹੱਲ l
ਤਰਕਸ਼ੀਲਾ ਰੱਬ ਕਿਸੇ ਦੀ ਸੁਣਦਾ ਨਾ,
ਰੱਟੇ ਲਾਓ ਧੂਫਾਂ ਚਾਹੇ ਖੜ੍ਹਕਾਓ ਟੱਲ l
ਅਵਤਾਰ ਸੰਸਾਰ ਹੈ ਤਿਲਕਣਬਾਜ਼ੀ,
ਸੁਧਾਰ ਲਈ ਖੁਰਦਪੁਰੀਏ ਸੰਗ ਚੱਲ l
-ਅਵਤਾਰ ਤਰਕਸ਼ੀਲ ਨਿਊਜ਼ੀਲੈਂਡ
ਜੱਦੀ ਪਿੰਡ ਖੁਰਦਪੁਰ (ਜਲੰਧਰ)
006421392147
