(ਸਮਾਜ ਵੀਕਲੀ)
ਇੰਜ ਆਇਆ ਵਾਂ ਰਾਸ ਕਿਸੇ ਨੂੰ।
ਲਹੂ ਕਿਸੇ ਨੂੰ ਮਾਸ ਕਿਸੇ ਨੂੰ।
ਇੰਜ ਆਇਆ ਵਾਂ ਰਾਸ ਕਿਸੇ ਨੂੰ।
ਲਹੂ ਕਿਸੇ ਨੂੰ ਮਾਸ ਕਿਸੇ ਨੂੰ।
ਇਸ਼ਕ ਦੇ ਆਪਣੇ ਕੈਦੇ-ਕੁਲੀਏ,
ਮਾਰ ਕਿਸੇ ਨੂੰ ਲਾਸ ਕਿਸੇ ਨੂੰ।
ਕੋਈ ਉਹਨੂੰ ਜਾ ਕੇ ਆਖੇ,
ਅੱਜ ਵੀ ਤੇਰੀ ਆਸ ਕਿਸੇ ਨੂੰ।
ਹਿਜਰ ਕਿਸੇ ਨੂੰ ਕੁੰਦਨ ਕੀਤਾ,
ਕਰ ਛੱਡਿਆ ਏ ਨਾਸ ਕਿਸੇ ਨੂੰ।
ਸੂਲ਼ੀ ਤੇ ਨਈਂ ਭੁੱਲਦਾ ਵਾਅਦਾ,
ਹੋਵੇ ਜੇਕਰ ਪਾਸ ਕਿਸੇ ਨੂੰ।
ਰੋਜ਼ ਦੁਆਵਾਂ ਆਸ ਕਿਸੇ ਦੀ,
ਕਰ ਨਾ ਦੇਵੇ ਯਾਸ ਕਿਸੇ ਨੂੰ।
ਯਾਸੀਨ ਯਾਸ
ਫੂਲ ਨਗਰ , ਕਸੂਰ ,
ਪੰਜਾਬ (ਪਾਕਿਸਤਾਨ)
ਗੁਰਮੁਖੀ: ਅਮਰਜੀਤ ਸਿੰਘ ਜੀਤ
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
