(ਸਮਾਜ ਵੀਕਲੀ)
ਜਦ ਹੋ ਜਾਣ ਕੰਧਾਂ ਪੱਕੀਆਂ
ਫਿਰ ਹੋਣ ਨਾ ਛੇਤੀ ਢਾਹ
ਜਦ ਹੋ ਜਾਣ ਵੱਖੋ-ਵੱਖਰੇ
ਫਿਰ ਇੱਕ ਨਾ ਹੁੰਦੇ ਰਾਹ
ਫਿਰ ਹੋਣ ਨਾ ਛੇਤੀ ਢਾਹ
ਜਦ ਹੋ ਜਾਣ ਵੱਖੋ-ਵੱਖਰੇ
ਫਿਰ ਇੱਕ ਨਾ ਹੁੰਦੇ ਰਾਹ
ਜਦ ਪੈਣ ਦਰਾਰਾਂ ਰੂਹਾਂ ਵਿੱਚ
ਜਦ ਮੁੱਕਣ ਪਾਣੀ ਖੂਹਾਂ ਵਿੱਚ
ਫਿਰ ਔਖਾ ਹੁੰਦਾ ਫਸਲਾਂ ਦਾ
ਜਦ ਵੈਰੀ ਹੁੰਦਾ ਨਸਲਾਂ ਵਿੱਚ
ਜਦ ਟਾਹਣੇ ਟੁੱਟਣ ਰੁੱਖਾਂ ਦੇ
ਫਿਰ ਹਿਸਾਬ ਨਾ ਰਹਿੰਦੇ ਦੁੱਖਾਂ ਦੇ
ਜਦ ਆਪਣਾ ਛੱਡ ਕੋਈ ਜਾਂਦਾ ਏ
ਫਿਰ ਦਿਲ ਵਿੱਚ ਚੀਸਾਂ ਪਾਂਦਾ ਏ
ਜਦ ਪਾਣੀ ਪੱਤਣੋਂ ਵਹਿ ਜਾਂਦੇ
‘ਜੱਗੀ’ ਨਾਲ ਭਾਈਆਂ ਭਾਈ ਖਹਿ ਜਾਂਦੇ
ਫਿਰ ਔਖਾ ਹੁੰਦਾ ਟੱਬਰਾਂ ਦਾ
ਜਦ ਰੰਜਸ਼ਾਂ ਵੇਹੜੇ ਬਹਿ ਜਾਂਦੇ…
ਜਗਵਿੰਦਰ ਸਿੰਘ ਜੱਗੀ
ਡੁਮਾਣਾ ਲੋਹੀਆਂ ਖਾਸ
8872313705
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
