(ਸਮਾਜ ਵੀਕਲੀ)
ਅਰਸ਼ੀਂ ਉੜਦੀ ਗੁੱਡੀ ਭੁੰਜੇ ਲਹਿ ਜਾਂਦੀ।
ਬਣਦੀ-ਬਣਦੀ ਗੱਲ ਹੈ ਸਾਡੀ ਰਹਿ ਜਾਂਦੀ।
ਜਦ ਵੀ ਸਾਡੀ ਹਾਕਮ ਦੇ ਸੰਗ ਖਹਿ ਜਾਂਦੀ।
ਬਣਦੀ-ਬਣਦੀ ਗੱਲ ਹੈ ਸਾਡੀ ਰਹਿ ਜਾਂਦੀ।
ਯਾਦ ਤੇਰੀ ਵਿੱਚ ਜਦ ਵੀ ਹੈ ਅੱਖ ਵਹਿ ਜਾਂਦੀ।
ਬਣਦੀ-ਬਣਦੀ ਗੱਲ ਹੈ ਸਾਡੀ ਰਹਿ ਜਾਂਦੀ।
ਡਾਰੋਂ ਵਿੱਛੜੀ ਕੂੰਜ਼ ਹਮੇਸ਼ਾ ਕਹਿ ਜਾਂਦੀ।
ਬਣਦੀ-ਬਣਦੀ ਗੱਲ ਹੈ ਸਾਡੀ ਰਹਿ ਜਾਂਦੀ।
ਮੰਜਿਲ ਨੇੜ੍ਹੇ ਜਾ ਕੇ ਢੇਰੀ ਢਹਿ ਜਾਂਦੀ।
ਬਣਦੀ-ਬਣਦੀ ਗੱਲ ਹੈ ਸਾਡੀ ਰਹਿ ਜਾਂਦੀ।
ਦਿਲ ‘ਚ ਉਦਾਸੀ ਡੇਰਾ ਲਾ ਜਦ ਬਹਿ ਜਾਂਦੀ।
ਬਣਦੀ-ਬਣਦੀ ਗੱਲ ਹੈ ਸਾਡੀ ਰਹਿ ਜਾਂਦੀ।
ਜ਼ਿੰਦ ਨਿਮਾਣੀ ਖੌਰੇ ਕਿੱਦਾਂ ਸਹਿ ਜਾਂਦੀ।
ਬਣਦੀ-ਬਣਦੀ ਗੱਲ ਹੈ ਸਾਡੀ ਰਹਿ ਜਾਂਦੀ।
ਜਗਦੀਸ਼ ਰਾਣਾ
