ਕਨੇਡਾ /ਵੈਨਕੂਵਰ (ਸਮਾਜ ਵੀਕਲੀ) (ਕੁਲਦੀਪ ਚੁੰਬਰ )-ਲੋਕ ਗਾਇਕ ਐਮ ਐਸ ਝੱਮਟ ਦਾ ਸਿੰਗਲ ਟਰੈਕ ਕਤਲ ਹੁਸ਼ਿਆਰਪੁਰ ਵਿਖੇ ਵੱਖ-ਵੱਖ ਸਭਿਆਚਾਰਕ ਸ਼ਖਸ਼ੀਅਤਾਂ ਦੀ ਹਾਜਰੀ ਵਿੱਚ ਰਿਲੀਜ਼ ਕੀਤਾ ਗਿਆ । ਇਸ ਸਮਾਗਮ ਵਿੱਚ ਅੰਜੂ ਵੈਰੱਤੀ ਲੇਖਕਾ ਬਤੌਰ ਏ ਮੁੱਖ ਮਹਿਮਾਨ ਵਜੋਂ ਹਾਜ਼ਰ ਹੋਏ। ਇਸ ਤੋਂ ਇਲਾਵਾ ਰਾਮ ਲਾਲ ਭਗਤ ਹੁਸ਼ਿਆਰਪੁਰ, ਡਾ. ਜਸਵੰਤ ਰਾਏ ਜ਼ਿਲ੍ਹਾ ਭਾਸ਼ਾ ਅਫ਼ਸਰ, ਮਨਜੀਤ ਕੌਰ ਧੀਮਾਨ ਲੁਧਿਆਣਾ, ਮੈਡਮ ਤ੍ਰਿਪਤਾ ਬਰਮੋਤਾ ਪੰਜਾਬੀ ਸੁਸਾਇਟੀ, ਗਜ਼ਲ ਗਾਇਕ ਪ੍ਰੋਫੈਸਰ ਗੁਰਦੀਪ ਸਿੰਘ ਹੁਸ਼ਿਆਰਪੁਰ, ਅਨੀਤਾ ਪਟਿਆਲਾਵੀ , ਜਸਪ੍ਰੀਤ ਕੌਰ ਸੰਘਾ ਤਨੂਲੀ, ਬਲਵੀਰ ਸਿੰਘ ਮਰਨਾਈਆਂ, ਸੋਹਣ ਸਿੰਘ ਸੁਨੀਲਾ ਰਿਟਾਇਰ ਡੀਐਸਪੀ ਅਤੇ ਗਾਇਕ , ਮੰਗਤ ਪਾਲ ਜੀ ਲੇਖਕ ਤੇ ਗਾਇਕ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ। ਜਿਨ੍ਹਾਂ ਨੇ ਲੋਕ ਗਾਇਕ ਐਮਐਸ ਚਮੜ ਨੂੰ ਉਸਦੇ ਆਏ ਸਿੰਗਲ ਟਰੈਕ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਅਤੇ ਉਸ ਦਾ ਪੋਸਟਰ ਰਿਲੀਜ਼ ਕਰਕੇ ਇਸ ਟਰੈਕ ਨੂੰ ਵੱਧ ਤੋਂ ਵੱਧ ਸੋਸ਼ਲ ਮੀਡੀਆ ਤੇ ਪ੍ਰਮੋਟ ਕਰਨ ਲਈ ਕਿਹਾ। ਇਸ ਮੌਕੇ ਲੋਕ ਗਾਇਕ ਐਮ ਐਸ ਝੱਮਟ ਨੇ ਕਿਹਾ ਕਿ ਉਸ ਨੂੰ ਬੇਹੱਦ ਖੁਸ਼ੀ ਹੈ ਕਿ ਉਸਦੇ ਅੱਜ ਇਸ ਟਰੈਕ ਨੂੰ ਰਿਲੀਜ਼ ਕਰਨ ਲਈ ਵੱਖ-ਵੱਖ ਸੱਭਿਆਚਾਰਕ ਸ਼ਖਸ਼ੀਅਤਾਂ ਨੇ ਆਪਣੇ ਕਰ ਕਮਲਾਂ ਨਾਲ ਆਪਣਾ ਆਸ਼ੀਰਵਾਦ ਦੇ ਕੇ ਉਸਨੂੰ ਪੰਜਾਬੀ ਸੱਭਿਆਚਾਰ ਦੀ ਸੇਵਾ ਕਰਨ ਦਾ ਬੱਲ ਬਖਸ਼ਿਆ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
