ਲੋਕ ਗਾਇਕ ਫਿਰੋਜ ਖਾਨ ਦੇ “ਜ਼ਮਾਨਾ – 2 ” ਦਾ ਪੋਸਟਰ ਰਿਲੀਜ਼ – ਰਾਮ ਭੋਗਪੁਰੀਆ

ਕਨੇਡਾ /ਵੈਨਕੂਵਰ (ਕੁਲਦੀਪ ਚੁੰਬਰ)-  ਪੰਜਾਬੀ ਇੰਡਸਟਰੀ ਦੇ ਸੁਰੀਲੇ ਕਲਾਕਾਰ ਫਿਰੋਜ਼ ਖ਼ਾਨ ਦੇ ਸਿੰਗਲ ਟਰੈਕ “ਜ਼ਮਾਨਾ -ਟੂ” ਦਾ ਵੱਖ ਵੱਖ ਸੋਸ਼ਲ ਸਾਈਟਾਂ ਤੇ  ਪੋਸਟਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ। ਇਸ ਦੀ ਜਾਣਕਾਰੀ ਦਿੰਦਿਆਂ ਆਰ ਜੇ ਬੀਟਸ ਦੇ ਐਮ ਡੀ ਰਾਮ ਭੋਗਪੁਰੀਆ ਨੇ ਦੱਸਿਆ ਕਿ “ਜ਼ਮਾਨਾ-2” ਸੌਂਗ ਵੱਖਰੀ ਕਿਸਮ ਦਾ ਸੌਂਗ ਹੈ । ਜਿਸ ਨੂੰ ਪ੍ਰਸਿੱਧ ਗੀਤਕਾਰ ਸਵ. ਹਰਜਿੰਦਰ ਬੱਲ ਨੇ ਕਲਮਬੱਧ ਕੀਤਾ ਹੈ ਅਤੇ ਇਸ ਦਾ ਸੰਗੀਤ ਗੁਰਮੀਤ ਸਿੰਘ ਵਲੋਂ ਦਿੱਤਾ ਗਿਆ । ਇਸ ਸ਼ਾਨਦਾਰ ਟਰੈਕ ਦੇ ਡਾਇਰੈਕਟਰ ਮੁਨੀਸ਼ ਸ਼ਰਮਾ ਹਨ, ਜਦਕਿ ਇਸ ਟਰੈਕ ਲਈ ਆਪਣੀਆਂ ਸੰਗੀਤਕ ਸੇਵਾਵਾਂ ਬਾਬਾ ਕਮਲ ਅਤੇ ਪੁਰੀ ਸਾਹਿਬ ਜੋ ਆਰ ਜੇ ਬੀਟਸ ਕੰਪਨੀ ਦੇ ਵੱਖ-ਵੱਖ ਅਹੁਦੇਦਾਰ ਹਨ, ਨੇ ਵੀ ਨਿਭਾਈਆਂ ਹਨ।  ਇਸ ਟਰੈਕ ਦਾ ਵੀਡੀਓ ਸ਼ੂਟ ਵੱਖਰੇ ਅੰਦਾਜ਼ ਵਿੱਚ ਕੀਤਾ ਗਿਆ ਹੈ । ਜਲਦ ਹੀ ਇਸ ਟਰੈਕ ਨੂੰ ਵੱਖ-ਵੱਖ ਸਾਰੀਆਂ ਸੋਸ਼ਲ ਸਾਈਟਾਂ ਤੇ ਰਿਲੀਜ਼ ਕਰ ਦਿੱਤਾ ਜਾਵੇਗਾ। ਰਾਮ ਭੋਗਪੁਰੀਆ ਨੇ ਦੱਸਿਆ ਕਿ ਆਰ ਜੇ ਬੀਟਸ ਕੰਪਨੀ ਵਲੋਂ ਅਨੇਕਾਂ ਹੀ ਧਾਰਮਿਕ ਅਤੇ ਸੱਭਿਆਚਾਰਕ ਟਰੈਕ ਰਿਲੀਜ਼ ਕੀਤੇ ਜਾ ਰਹੇ ਹਨ।  ਜਿਨਾਂ ਨੂੰ ਪੰਜਾਬੀ ਸਰੋਤੇ ਮਣਾਂ ਮੂੰਹੀਂ ਮੁਹੱਬਤ ਦੇ ਕੇ ਨਿਵਾਜ ਰਹੇ ਹਨ।