(ਸਮਾਜ ਵੀਕਲੀ)
ਚਿੜੀਆਂ ਦੇ ਦੇਸ਼ ਚੌਣਾਂ ਆਈਆਂ ,
ਹਰ ਚਿੜਾ ਭੰਗੜਾ ਪਾਵੇ ,
ਹਰ ਚਿੜੀ ਖੁਸ਼ੀ ‘ਚ ਗਾਵੇ|
ਬਦਲ ਦਿਆਂਗੇ ਸਰਕਾਰ ,
ਬਦਲ ਦਿਆਂਗੇ ਹਾਲਾਤ ,
ਖੁਸ਼ਹਾਲ ਹੋ ਜਾਵੇਗਾਂ ਦੇਸ਼ ,
ਇਹੋ ਜਿਹੀ ਚੁਣਾਂਗੇ ਸਰਕਾਰ |
ਮੌਕਾ ਹੱਥੋਂ ਜਾਣ ਨਹੀਂ ਦੇਣਾ,
ਸਭ ਨੂੰ ਮਿਲੇ ਇਨਸਾਫ਼ ,
ਇਹੋ ਜਿਹੀ ਚੁਣਾਂਗੇ ਸਰਕਾਰ |
ਪੱਛਮੀ ਦੇਸ਼ਾਂ ਵਰਗੀ ਸੁਵਿਧਾਵਾਂ,
ਸਭ ਨੂੰ ਰੋਜ਼ਗਾਰ ,
ਜ਼ਰੂਰਤਮੰਦਾਂ ਨੂੰ ਭੱਤੇ ਦਵਾਗੇਂ ,
ਇਹੋ ਜਿਹੀ ਲਿਆਵਾਂਗੇ ਸਰਕਾਰ |
ਨੱਕੋ-ਨੱਕ ਕਰਜ਼ੇ ਵਿਚ ਡੁੱਬੀ,
ਮੋਜ਼ੂਦਾ ਸਰਕਾਰ,
ਬਦਲਤਾ ਪਿਆਧਾ ਉਹਨਾਂ,
ਐਨ ਚੋਣਾਂ ਤੋਂ ਪਹਿਲਾਂ |
ਨਵਾਂ ਪਿਆਧਾ,
ਨਵੇਂ ਵਾਅਦੇ,
ਨਵੀਂ ਸੋਚ,
ਨਵੇਂ ਇਰਾਦੇ |
ਚੋਣਾਂ ਦੇ ਘੋਸ਼ਣਾ-ਪੱਤਰ ਲੈਕੇ ,
ਕੁਝ ਜੋਕਾਂ ਆਈਆਂ ,
ਕੁਝ ਲੂੰਬੜੀ ਵਰਗੀਆਂ ਚਿੜੀਆਂ ,
ਕੁਝ ਗੁਆਂਢੀ ਮੁਲਕੋਂ, ਗਿੱਧ ਤੇ ਇੱਲਾਂ ,
ਬਣ ਉਮੀਦਵਾਰ ਆਈਆਂ |
ਸਿਆਸਤ ਦੀ ਖੇਡ ਸ਼ੂਰੁ ਹੋਈ ,
ਚੋਣਾਂ ਦੇ ਵਾਅਦੇ ਮਜ਼ਬੂਤ ਹੋਏ –
ਸਭ ਨੂੰ ਮਨ-ਇੱਛਤ ਸਰਕਾਰੀ ਨੌਕਰੀ ,
ਘਰ, ਬਿਜਲੀ,ਪਾਣੀ, ਰਾਸ਼ਨ, ਸਫ਼ਰ ,
ਭੱਤੇ, ਪੜ੍ਹਾਈ,ਕਿਤਾਬਾਂ,ਵਰਦੀਆਂ,ਬੂਟ,
ਫ਼ੋਨ,ਇੰਟਰਨੈੱਟ,ਲੈਪਟੋਪ ,ਐਮਾਜ਼ਾਨ ਪ੍ਰਾਈਮ,
ਨੇਟਫਲੈਕ੍ਸ,ਡਿਜ਼ਨੀ, ਟਾਟਾ ਸਕਾਈ ,
ਹਰ ਰੋਜ਼ ਸ਼ਰਾਬ ਦੀ ਬੋਤਲ ,
ਤੰਬਾਕੂ, ਬੀੜੀ , ਸਿਗਰਟ ,
ਵਿਦੇਸ਼ਾਂ ਦੇ ਟੂਰ,
ਕੁਲ ਮਿਲਾ ਕੇ ਸਭ ਕੁਝ ਫ਼ਰੀ |
ਹਰ ਚਿੜਾ ਭੰਗੜਾ ਪਾਵੇ ,
ਹਰ ਚਿੜੀ ਖੁਸ਼ੀ ‘ਚ ਗਾਵੇ|
ਮਨ ਹੀ ਮਨ ਸੋਚ ਕੇ ਇਤਰਾਵੇ ,
ਪੋਹ, ਮਾਘ ਦੀ ਰੁੱਤੇ ,
ਜੇਠ ,ਹਾੜ੍ਹ ਮਨਾਵੇਂ ,
ਹਰ ਪਾਸੇ ਚੋਣਾਂ ਦਾ ਜੋਸ਼ |
ਪੈ ਗਈਆਂ ਵੋਟਾਂ ,
ਚੁਣ ਲਈ ਸਰਕਾਰ ,
ਕੁਝ ਦਿਨ ਲੰਘੇ,
ਜਸ਼ਨ ਦੇ ,
ਜੋਸ਼ ਦੇ ਅਤੇ ਉਤਸ਼ਾਹ ਦੇ |
ਫੇਰ ਉਹੀ ਹਾਹਾਕਾਰ,
ਭੁੱਖਮਰੀ, ਲਾਚਾਰੀ ,
ਬੇਵਸੀ, ਜਨਤਾ ਬਦਹਾਲ ,
ਲੰਘ ਗਏ ਹੌਲੀ-ਹੌਲੀ ਪੰਜ ਸਾਲ |
ਫੇਰ ਹੋਇਆ ਚੌਣਾਂ ਦਾ ਐਲਾਨ ,
ਚਿੜੀਆਂ ਫੇਰ ਚੌਣ ਚੱਕਰ ਲਈ ਤਿਆਰ |
Neer
‘ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
