ਸਿੱਖਿਆ ਕ੍ਰਾਂਤੀ

(ਸਮਾਜ ਵੀਕਲੀ)

ਸਿੱਖਿਆ ਵਾਲੀ,ਕ੍ਰਾਂਤੀ ਆਈ,
ਕਰਦੀ ਆ ਗਈ,ਮਾਰੋ ਮਾਰ l

ਨੀਂਹ ਪੱਥਰਾਂ ਦੀ, ਧੂੜ ਉਡਾ,
ਫੋਕਾ ਇਹ, ਕਰਦੇ ਪ੍ਰਚਾਰ l

ਉਨ੍ਹਾਂ ਲਈ,ਕੰਮ ਹੈ ਲੱਭਿਆ,
ਸੀ,ਨੇਤਾ ਜਿਹੜੇ ਹੋਏ ਬੇਕਾਰ l

ਬਾਥਰੂਮ ਤੇ ਚਾਰਦਿਵਾਰੀ,
ਸਿੱਖਿਆ ਵਿੱਚ,ਬੜੇ ਸੁਧਾਰ?

ਬਣੇ ਮਾਹੌਲ, ਪੜ੍ਹਾਈ ਵਾਲਾ,
ਇਸ ਬਾਰੇ ਨਾ,ਕੋਈ ਵਿਚਾਰ l

ਇਹਦੇ ਬਾਰੇ ,ਕੋਈ ਨਾ ਬੋਲੋ,
ਸਿੱਖਿਆ ਸਾਰੀ,ਬਣੀ ਵਪਾਰ l

ਬਣ ਗਏ ਨੇ ,ਵਾਅਦੇ ਲਾਰੇ,
ਔਖਾ ਕਰਨਾ ਹੈ,ਇਤਬਾਰ l

ਮੌਕਾ ਦੇ, ਉਡੀਕ ਰਹੇ ਮੌਕਾ,
ਲੋਕਾਂ ਨੇ ਦੇਣਾ,ਹੈ ਦੁਰਕਾਰ l

‘ਕੁਲਫੀ਼’ਤੇ,’ਮਿੱਠੀਆਂ ਮਿਰਚਾਂ’,
ਹੁਣ ਨਾ ਵਿਕਣੇ ਕਿਸੇ ਬਜਾ਼ਰ l

ਜਸਵੀਰ ਮੋਰੋਂ, ਨੀਤ, ਨੀਤੀ,
ਸਾਫ਼ ਕਰਦੀ, ਹੈ ਕਿਰਦਾਰ l