(ਸਮਾਜ ਵੀਕਲੀ)
ਸਾਨੂੰ ਭੁੱਲ ਜਾਂਦੇ ਸਾਡੇ ਸਭ ਚਾਹ ,
ਸਾਡੇ ਇਹ ਦਿਨ ਸੋਗ ਦੇ –
ਸਾਨੂੰ ਫੱਬਦੇ ਨਾ ਮੰਗਣੇ ਵਿਆਹ ,
ਸਾਡੇ ਇਹ ਦਿਨ ਸੋਗ ਦੇ …
ਬੜੇ ਜ਼ਾਲਮਾਂ ਨੇ ਜ਼ੁਲਮ ਕਮਾਏ ਸੀ |
ਛੋਟੇ ਬੱਚਿਆਂ ਤੇ ਕਹਿਰ ਵੀ ਠਾਏ ਸੀ |
ਦੋ ਜੰਗ ਵਿੱਚ ਪਾ ਗਏ ਸ਼ਹੀਦੀਆਂ ,
ਦੋ ਨੀਹਾਂ ਵਿੱਚ ਗਏ ਚਿਣਵਾਏ ਸੀ |
ਨਾਲ ਹਉਕੇਆਂ ਦੇ ਲੱਦੇ ਸਾਡੇ ਸਾਹ ,
ਸਾਡੇ ਇਹ ਦਿਨ ਸੋਗ ਦੇ –
ਸਾਨੂੰ ਫੱਬਦੇ ਨਾ ਮੰਗਣੇ ਵਿਆਹ ,
ਸਾਡੇ ਇਹ ਦਿਨ ਸੋਗ ਦੇ …
ਕਿੰਝ ਪੜਾਂ ਤੈਨੂੰ ਦਰਦ ਕਹਾਣੀਏਂ |
ਪਾਪੀ ਸੂਬੇ ਦੀਏ ਬੇਰਹਿਮ ਰਾਣੀਏਂ |
ਹੱਥੀਂ ਪੋਤਿਆਂ ਨੂੰ ਤੋਰਕੇ ਕੀ ਬੀਤੀ ਹੋਊ ,
ਦਿਲ ਦਾਦੀ ਦਾ ਜੇ ਪੁੱਛੀਏ ਤਾਂ ਜਾਣੀਏਂ |
ਅਸੀਂ ਬੱਚਿਆਂ ਦਾ ਖਾਂਦੇ ਨਾ ਵਸਾਹ ,
ਸਾਡੇ ਇਹ ਦਿਨ ਸੋਗ ਦੇ –
ਸਾਨੂੰ ਫੱਬਦੇ ਨਾ ਮੰਗਣੇ ਵਿਆਹ ,
ਸਾਡੇ ਇਹ ਦਿਨ ਸੋਗ ਦੇ …
ਧੰਨ ਦਸਮਗੁਰੂ ਜੋ ਸਭ ਸਹਿ ਗਿਆ |
ਮੀਠਾ ਮਾਲਕ ਦਾ ਭਾਣਾ ਮੂੰਹੋਂ ਕਹਿ ਗਿਆ |
ਬਾਬਾ ਧਰਮ ਤੋਂ ਪਰਿਵਾਰ ਵਾਰ ਕੇ ,
ਜਾਕੇ ਮਾਛੀਵਾੜੇ ਜੰਗਲਾਂ ‘ਚ ਪੈ ਗਿਆ |
ਜਿੰਮੀ ਸੀਨ੍ਹੇ ਵਿੱਚੋਂ ਨਿੱਕਲਦੀ ਧਾਹ ,
ਸਾਡੇ ਇਹ ਦਿਨ ਸੋਗ ਦੇ –
ਸਾਨੂੰ ਫੱਬਦੇ ਨਾ ਮੰਗਣੇ ਵਿਆਹ ,
ਸਾਡੇ ਇਹ ਦਿਨ ਸੋਗ ਦੇ …
8195907681
ਜਿੰਮੀ ਅਹਿਮਦਗੜ੍ਹ …
