ਦਲਿਤਾਂ ਤੇ ਅਪਰਾਧ

(ਸਮਾਜ ਵੀਕਲੀ) 

ਦਲਿਤਾਂ ‘ਤੇ ਅਪਰਾਧ ਵਧ ਰਹੇ,
ਦੇਸ਼ ਤਰੱਕੀ ਕਰ ਰਿਹਾ ਕਹਿੰਦੇ l

ਨਿੱਤ ਨਵਾਂ ਕੋਈ,ਕਾਂਡ ਹੋ ਰਿਹਾ,
ਅਖਬਾਰਾਂ ਵਿੱਚ,ਛਪਦੇ ਰਹਿੰਦੇ l

ਕਿਤੇ ਕੋਈ,ਕਾਨੂੰਨ ਨਹੀਂ ਦਿਸਦਾ,
ਹੁਕਮ ਹਾਕਮ ਦੇ,ਹਵਾ ‘ਚ ਰਹਿੰਦੇl

ਜ਼ਾਲਮ,ਜ਼ੁਲਮ ਨਾ ਕਰਨੋਂ ਡਰਦੇ,
ਹਾਕਮ ਜਿਨ੍ਹਾਂ ਦੇ ਸਿਰ ਤੇ ਰਹਿੰਦੇ l

ਜਿਹਨਾਂ ਨੇ,ਛੂਤ,ਅਛੂਤ ਬਣਾਏ,
ਉਨ੍ਹਾਂ ਬਾਰੇ,ਸਭ ਚੁੱਪ ਵੱਟ ਲੈਂਦੇ l

ਜਿਹੜੇ ਬੰਦੇ ਨੂੰ,ਨਾ ਸਮਝਣ ਬੰਦਾ,
ਉਹ ਪੜ੍ਹਕੇ ਵੀ ਹੈ ,ਮੂਰਖ ਰਹਿੰਦੇl

ਇੱਥੇ ਤਾਂ,ਜਾਤ ਦੀ ਵਾੜ ਦੇ ਕਾਰਨ,
ਪਾਣੀ ਲਈ ਕਈ,ਤਰਸਦੇ ਰਹਿੰਦੇ l

ਜਸਵੀਰ ਮੋਰੋਂ,ਹੁਣ ਉੱਠਣਾ ਪੈਣਾ,
ਹੋਰ ਕਿੰਨਾ ਚਿਰ,ਰਹਿਣਾ ਸਹਿੰਦੇl