ਡੰਗਰ 

        ਸਵਿਤਾ ਅੰਦਰ ਜਾ ਕੇ ਆਪਣੇ ਘਰ ਦੇ ਕੰਮਾਂ ਵਿੱਚ ਵਿਅਸਤ ਹੋ ਗਈ। ਪੰਦਰਾਂ ਕੁ ਮਿੰਟ ਬਾਅਦ ਉਹ ਬਾਹਰ ਦੇਖਦੀ ਹੈ ਕਿ ਅਵਾਰਾ ਪਸ਼ੂ ਤਾਂ ਆਪਣੀ ਆਪਣੀ ਜਗ੍ਹਾ ਤੇ ਖੜ੍ਹੇ ਉਸੇ ਤਰ੍ਹਾਂ ਧੁੱਪ ਸੇਕ ਰਹੇ ਸਨ। ਪਰ ਉਹਨਾਂ ਦੇ ਸਾਹਮਣੇ ਇੱਕ ਔਰਤ ਘਰ ਦੀਆਂ ਸਬਜ਼ੀਆਂ ਦੇ ਛਿਲਕੇ ਅਤੇ ਮੂਲੀਆਂ ਦੇ ਪੱਤੇ ਤੋੜ ਮਰੋੜ ਕੇ ਇਸ ਤਰ੍ਹਾਂ ਸੁੱਟ ਕੇ ਗਈ ਕਿ ਪੂਰੀ ਸੜਕ ਵਿੱਚ ਖਿੱਲਰੇ ਪਏ ਸਨ। ਇੱਕ ਔਰਤ ਨੇ ਦੋ ਤਿੰਨ ਗੁੜ ਦੀਆਂ ਰੋੜੀਆਂ ਕੱਢ ਕੇ ਉਹਨਾਂ ਵੱਲ ਨੂੰ ਸੁੱਟ ਦਿੱਤੀਆਂ ਜੋ ਉਸ ਦੇ ਦੇਖਦੇ ਦੇਖਦੇ ਗੁੜ ਕਾਰ ਦੇ ਟਾਇਰ ਹੇਠ ਆ ਕੇ ਸੜਕ ਨਾਲ਼ ਚਿਪਕ ਗਿਆ ਤੇ ਮੂਲੀਆਂ ਦੇ ਪੱਤੇ ਅਤੇ ਛਿੱਲੜ ਵੀ ਟਾਇਰਾਂ ਥੱਲੇ ਆ ਕੇ ਸੜਕ ਨੂੰ ਕਰੂਪ ਕਰ ਰਹੇ ਸਨ। ਇੱਕ ਔਰਤ ਫਟਾਫਟ ਆਈ ਤੇ ਆਪਣੀ ਸ਼ਾਲ ਦੀ ਬੁੱਕਲ ਚੋਂ ਅੱਠ ਦਸ ਸੁੱਕੀਆਂ ਰੋਟੀਆਂ ਉਹਨਾਂ ਅੱਗੇ ਖਿਲਾਰ ਕੇ ਸੁੱਟ ਗਈ। ਆਪਣੇ ਗੇਟ ਅੱਗੇ ਐਨਾ ਗੰਦ ਪਾਇਆ ਵੇਖ ਕੇ ਸਵਿਤਾ ਨੂੰ ਸਮਝ ਨਹੀਂ ਆ ਰਿਹਾ ਸੀ ਕਿ ਉਹ ਧੁੱਪ ਸੇਕ ਰਹੇ ਡੰਗਰਾਂ ਨੂੰ ਭਜਾਵੇ ਜਾਂ ਗੰਦ ਪਾਉਣ ਵਾਲੇ ਡੰਗਰਾਂ ਨੂੰ ਭਜਾਵੇ।