ਬ੍ਰਿਜੇਸ਼ ਕੁਮਾਰ ਨੇ ਰੇਲ ਕੋਚ ਫੈਕਟਰੀ ਕਪੂਰਥਲਾ ਵਿਖੇ ਆਯੋਜਿਤ ਪੀਜੀਟੀਆਈ ਨੈਕਸਟਜਨ ਕਪੂਰਥਲਾ 2025 ਟੂਰਨਾਮੈਂਟ ਜਿੱਤਿਆ

ਕਪੂਰਥਲਾ, (ਸਮਾਜ ਵੀਕਲੀ)  (ਕੌੜਾ )– ਪੰਚਕੂਲਾ ਦੇ ਬ੍ਰਿਜੇਸ਼ ਕੁਮਾਰ ਨੇ ਆਰ ਸੀ ਐਫ ਗੋਲਫ ਕੋਰਸ ਵਿਖੇ ਖੇਡੇ ਗਏ ਪੀਜੀਟੀਆਈ ਨੈਕਸਟਜੇਨ ਕਪੂਰਥਲਾ 2025 ਨੂੰ ਜਿੱਤਣ ਦਾ ਮਾਣ ਪ੍ਰਾਪਤ ਕੀਤਾ ਹੈ, ਜਿਸ ਵਿੱਚ ਉਸਨੇ ਪੰਜ ਅੰਡਰ 67 ਦੇ ਨਾਲ ਆਖਰੀ ਦਿਨ ਦਾ ਸਭ ਤੋਂ ਵਧੀਆ ਸਕੋਰ ਬਣਾਇਆ। ਪੱਚੀ ਸਾਲਾ ਬ੍ਰਿਜੇਸ਼ ਕੁਮਾਰ (68-70-67) ਨੇ 11 ਅੰਡਰ 205 ਦੇ ਕੁੱਲ ਸਕੋਰ ਨਾਲ ਦੋ ਸ਼ਾਟਾਂ ਨਾਲ ਟੂਰਨਾਮੈਂਟ ਜਿੱਤਿਆ। ਪਿਛਲੇ ਹਫ਼ਤੇ ਗੁਰੂਗ੍ਰਾਮ ਵਿੱਚ ਹੋਏ ਨੈਕਸਜੇਨ ਸੀਜ਼ਨ-ਓਪਨਰ ਵਿੱਚ ਕੱਟ ਤੋਂ ਖੁੰਝਣ ਵਾਲੇ ਬ੍ਰਿਜੇਸ਼ ਨੂੰ 2,54,300 ਰੁਪਏ ਦਾ ਜੇਤੂ ਚੈੱਕ ਮਿਲਿਆ, ਜਿਸ ਨਾਲ ਉਹ ਰਾਜੇਸ਼ ਕੁਮਾਰ ਗੌਤਮ ਨਾਲ ਪੀਜੀਟੀਆਈ ਨੈਕਸਜੇਨ ਆਰਡਰ ਆਫ਼ ਮੈਰਿਟ ਵਿੱਚ ਸਾਂਝੇ ਤੌਰ ‘ਤੇ ਪਹਿਲੇ ਸਥਾਨ ‘ਤੇ ਪਹੁੰਚ ਗਿਆ। ਦਿੱਲੀ ਦੇ ਅਜੈ ਬੈਸੋਇਆ (67-67-73) ਨੌਂ ਅੰਡਰ 207 ਦੇ ਸਕੋਰ ਨਾਲ ਦੂਜੇ ਸਥਾਨ ‘ਤੇ ਰਹੇ। ਕਰਨਾਲ ਦੇ ਰੋਹਿਤ ਨਰਵਾਲ (70-67-71) ਨੇ ਤੀਜੇ ਦੌਰ ਵਿੱਚ 71 ਦਾ ਸਕੋਰ ਕੀਤਾ ਅਤੇ ਅੱਠ ਅੰਡਰ 208 ਦੇ ਸਕੋਰ ਨਾਲ ਤੀਜੇ ਸਥਾਨ ‘ਤੇ ਰਹੇ। ਕਪੂਰਥਲਾ ਦੇ ਅਸ਼ਬੀਰ ਸੈਣੀ ਨੇ ਆਪਣੇ ਘਰੇਲੂ ਕੋਰਸ ‘ਤੇ ਖੇਡਦੇ ਹੋਏ ਅੰਤਿਮ ਦੌਰ ਵਿੱਚ 72 ਦਾ ਸਕੋਰ ਬਣਾਇਆ ਅਤੇ ਚਾਰ ਅੰਡਰ 212 ਦੇ ਸਕੋਰ ਨਾਲ ਛੇਵੇਂ ਸਥਾਨ ‘ਤੇ ਰਿਹਾ।m ਆਰ ਸੀ ਐਫ ਗੋਲਫ ਕੋਰਸ ਵਿਖੇ ਆਯੋਜਿਤ ਪਹਿਲੇ ਅਜਿਹੇ ਤਿੰਨ ਦਿਨਾਂ ਪੇਸ਼ੇਵਰ ਟੂਰਨਾਮੈਂਟ ਵਿੱਚ ਭਾਰਤ ਅਤੇ ਵਿਦੇਸ਼ਾਂ ਦੇ 95 ਪੇਸ਼ੇਵਰ ਗੋਲਫਰਾਂ ਨੇ ਹਿੱਸਾ ਲਿਆ। 36 ਪੇਸ਼ੇਵਰ ਗੋਲਫਰਾਂ ਨੇ ਅੰਤਿਮ ਦੌਰ ਵਿੱਚ ਖੇਡਣ ਲਈ ਕੁਆਲੀਫਾਈ ਕੀਤਾ। ਆਰ ਸੀ  ਐਫ ਗੋਲਫ ਕੋਰਸ, ਜਿਸਨੂੰ ਭਾਰਤੀ ਰੇਲਵੇ ਦੇ ਸਭ ਤੋਂ ਵਧੀਆ ਗੋਲਫ ਕੋਰਸਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ, ਨੇ ਇਸ ਟੂਰਨਾਮੈਂਟ ਨੂੰ ਸਫਲਤਾਪੂਰਵਕ ਆਯੋਜਿਤ ਕਰਕੇ ਵਿਸ਼ੇਸ਼ ਪ੍ਰਸਿੱਧੀ ਪ੍ਰਾਪਤ ਕੀਤੀ ਹੈ। ਟੂਰਨਾਮੈਂਟ ਇਨਾਮ ਵੰਡ ਸਮਾਰੋਹ ਨਾਲ ਸਮਾਪਤ ਹੋਇਆ ਜਿਸ ਵਿੱਚ ਚੈਂਪੀਅਨ ਬ੍ਰਜੇਸ਼ ਕੁਮਾਰ ਨੇ ਸ਼੍ਰੀ ਕੇ.ਐਸ. ਅਸਲਾ ਪੀ.ਐਫ.ਏ/ਆਰ.ਸੀ.ਐਫ ਅਤੇ ਆਰ.ਸੀ.ਐਫ ਸਪੋਰਟਸ ਐਸੋਸੀਏਸ਼ਨ ਦੇ ਪ੍ਰਧਾਨ ਅਤੇ ਪੀ.ਜੀ.ਟੀ.ਆਈ. ਦੇ ਸੀ.ਈ.ਓ ਸ਼੍ਰੀ ਅਮਨਦੀਪ ਜੌਹਲ ਤੋਂ ਚੈੱਕ ਅਤੇ ਟਰਾਫੀ ਪ੍ਰਾਪਤ ਕੀਤੀ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj