(ਸਮਾਜ ਵੀਕਲੀ)
ਮੇਰੇ ਦਿਲ ਦੇ ਕਰਕੇ ਟੋਟੇ, ਟੋਟੇ ਲੋਕ,
ਹੁਣ ਬੜੇ ਖੁਸ਼ ਨੇ ਦਿਲਾਂ ਦੇ ਖੋਟੇ ਲੋਕ।
ਸਾਮ੍ਹਣੇ ਜਿਹੜਾ ਇਨ੍ਹਾਂ ਦੇ ਸੱਚ ਬੋਲੇ,
ਉਸ ਮਗਰ ਹੋ ਜਾਣ ਲੈ ਕੇ ਸੋਟੇ ਲੋਕ।
ਪਾ ਕੇ ਜੇਬਾਂ ਵਿੱਚ ਕਮਾਈ ਕਾਮਿਆਂ ਦੀ,
ਹੋ ਗਏ ਨੇ ਥੋੜ੍ਹੇ ਚਿਰ ਵਿੱਚ ਮੋਟੇ ਲੋਕ।
ਆਪਣੇ ਹੱਥੀਂ ਘਰ ਬਣਾ ਕੇ ਲੀਡਰਾਂ ਦੇ,
ਫਿਰਨ ਉਹਨਾਂ ਦੇ ਘਰੀਂ ਨਿਰਓਟੇ ਲੋਕ।
‘ਮਾਨ’ ਆਖਰ ਉਹ ਸਮਾਂ ਰਹਿਣਾ ਹੈ ਆ ਕੇ,
ਬਹਿਣਗੇ ਜਦ ਮਿਲ ਕੇ ਵੱਡੇ, ਛੋਟੇ ਲੋਕ।
ਮਹਿੰਦਰ ਸਿੰਘ ਮਾਨ
ਕੈਨਾਲ ਰੋਡ
ਸਾਮ੍ਹਣੇ ਅੰਗਦ ਸਿੰਘ ਐੱਮ ਐੱਲ ਏ ਹਾਊਸ
ਨਵਾਂ ਸ਼ਹਿਰ-144514
ਫੋਨ 9915803554
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
