ਕਾਂਗੋ— ਪੂਰਬੀ ਕਾਂਗੋ ‘ਚ ਵੀਰਵਾਰ ਨੂੰ ਇਕ ਕਿਸ਼ਤੀ ਹਾਦਸਾ ਵਾਪਰ ਗਿਆ, ਜਿਸ ‘ਚ ਘੱਟੋ-ਘੱਟ 78 ਲੋਕਾਂ ਦੀ ਮੌਤ ਹੋ ਗਈ। ਦੱਖਣੀ ਕਿਵੂ ਸੂਬੇ ਦੇ ਗਵਰਨਰ ਜੀਨ-ਜੈਕ ਨੇ ਕਿਹਾ ਕਿ ਕਿਵੂ ਝੀਲ ‘ਚ 278 ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਕਿਸ਼ਤੀ ਪਲਟ ਗਈ, ਚਸ਼ਮਦੀਦਾਂ ਮੁਤਾਬਕ ਕਿਸ਼ਤੀ ‘ਚ 80 ਲੋਕਾਂ ਦੀ ਸਮਰੱਥਾ ਸੀ ਪਰ ਇਸ ਨੂੰ ਸਮਰੱਥਾ ਤੋਂ ਜ਼ਿਆਦਾ ਯਾਤਰੀਆਂ ਨਾਲ ਚਲਾਇਆ ਜਾ ਰਿਹਾ ਸੀ। ਕਿਸ਼ਤੀ ਮਿਨੋਵਾ ਸ਼ਹਿਰ ਤੋਂ ਗੋਮਾ ਸ਼ਹਿਰ ਦੇ ਬਾਹਰ ਕਿਤੁਕੂ ਬੰਦਰਗਾਹ ਵੱਲ ਜਾ ਰਹੀ ਸੀ ਜਦੋਂ ਇਹ ਹਾਦਸਾ ਵਾਪਰਿਆ।
ਰਾਜਪਾਲ ਨੇ ਕਿਹਾ ਕਿ ਬਚਾਅ ਕਾਰਜ ਜਾਰੀ ਹਨ ਅਤੇ ਮਰਨ ਵਾਲਿਆਂ ਦੀ ਗਿਣਤੀ ਵਧ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਸਾਰੀਆਂ ਲਾਸ਼ਾਂ ਨੂੰ ਕੱਢਣ ਵਿੱਚ ਘੱਟੋ-ਘੱਟ ਤਿੰਨ ਦਿਨ ਲੱਗ ਸਕਦੇ ਹਨ।
ਇਹ ਹਾਦਸਾ ਕਾਂਗੋ ਵਿੱਚ ਕਿਸ਼ਤੀ ਹਾਦਸਿਆਂ ਦੀ ਇੱਕ ਲੰਬੀ ਲੜੀ ਵਿੱਚ ਤਾਜ਼ਾ ਹੈ। ਇਨ੍ਹਾਂ ਹਾਦਸਿਆਂ ਦੇ ਮੁੱਖ ਕਾਰਨ ਕਿਸ਼ਤੀਆਂ ਦੀ ਖ਼ਰਾਬ ਹਾਲਤ, ਸਮਰੱਥਾ ਤੋਂ ਵੱਧ ਯਾਤਰੀਆਂ ਨੂੰ ਲਿਜਾਣਾ ਅਤੇ ਖ਼ਰਾਬ ਮੌਸਮ ਸ਼ਾਮਲ ਹਨ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
