ਮੁਰਸ਼ਿਦਾਬਾਦ— ਪੱਛਮੀ ਬੰਗਾਲ ‘ਚ ਤ੍ਰਿਣਮੂਲ ਕਾਂਗਰਸ (ਟੀ.ਐੱਮ.ਸੀ.) ਦੇ ਵਿਧਾਇਕ ਹੁਮਾਯੂੰ ਕਬੀਰ ਵੱਲੋਂ ਮੁਰਸ਼ਿਦਾਬਾਦ ਜ਼ਿਲੇ ਦੇ ਬੇਲਦੰਗਾ ‘ਚ ਬਾਬਰੀ ਮਸਜਿਦ ਦੀ ਤਰਜ਼ ‘ਤੇ ਮਸਜਿਦ ਬਣਾਉਣ ਦੇ ਪ੍ਰਸਤਾਵ ਦੇ ਕੁਝ ਦਿਨ ਬਾਅਦ ਹੁਣ ਭਾਜਪਾ ਨੇ ਬਰਹਮਪੁਰ ’ਚ ਰਾਮ ਮੰਦਰ ਬਣਾਉਣ ਦੀ ਯੋਜਨਾ ਦਾ ਐਲਾਨ ਕੀਤਾ ਹੈ। ਭਾਜਪਾ ਨੇ ਕਿਹਾ ਕਿ ਅਯੁੱਧਿਆ ਵਿੱਚ ਰਾਮ ਮੰਦਰ ਦੇ ਉਦਘਾਟਨ ਦੇ ਠੀਕ ਇੱਕ ਸਾਲ ਬਾਅਦ 22 ਜਨਵਰੀ 2025 ਨੂੰ ਮੰਦਰ ਦਾ ਨਿਰਮਾਣ ਸ਼ੁਰੂ ਹੋਵੇਗਾ।
10 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣੇਗਾ ਮੰਦਰ
ਭਾਜਪਾ ਦੇ ਬਰਹਮਪੁਰ ਸੰਗਠਨਾਤਮਕ ਜ਼ਿਲ੍ਹਾ ਪ੍ਰਧਾਨ ਸ਼ਾਖਰਾਓ ਸਰਕਾਰ ਨੇ ਕਿਹਾ ਕਿ ਮੰਦਰ ਲਈ ਜ਼ਮੀਨ ਦੀ ਪਹਿਲਾਂ ਹੀ ਪਛਾਣ ਕੀਤੀ ਜਾ ਚੁੱਕੀ ਹੈ ਅਤੇ ਇਸ ਪ੍ਰਾਜੈਕਟ ‘ਤੇ 10 ਕਰੋੜ ਰੁਪਏ ਦੀ ਲਾਗਤ ਆਉਣ ਦਾ ਅਨੁਮਾਨ ਹੈ। ਬੇਲਡੰਗਾ ਤੋਂ ਟੀਐਮਸੀ ਵਿਧਾਇਕ ਕਬੀਰ ਨੇ ਮੰਗਲਵਾਰ ਨੂੰ ਹੀ ਮਸਜਿਦ ਬਣਾਉਣ ਦੀ ਯੋਜਨਾ ਦਾ ਐਲਾਨ ਕੀਤਾ ਸੀ। ਉਨ੍ਹਾਂ ਐਲਾਨ ਕਰਦਿਆਂ ਕਿਹਾ ਕਿ ਇਹ ਖੇਤਰ ਦੀ ਮਹੱਤਵਪੂਰਨ ਘੱਟਗਿਣਤੀ ਆਬਾਦੀ ਦੀਆਂ ਭਾਵਨਾਵਾਂ ਦਾ ਸਤਿਕਾਰ ਕਰੇਗਾ, ਕਬੀਰ ਨੇ ਕਿਹਾ ਸੀ ਕਿ ਉਹ 2025 ਤੱਕ ਮੁਰਸ਼ਿਦਾਬਾਦ ਜ਼ਿਲ੍ਹੇ ਵਿੱਚ ਬਾਬਰੀ ਮਸਜਿਦ ਵਰਗੀ ਮਸਜਿਦ ਬਣਵਾਉਣਗੇ। ਕਬੀਰ ਦੇ ਇਸ ਬਿਆਨ ਦੀ ਵਿਰੋਧੀ ਧਿਰ ਭਾਜਪਾ ਅਤੇ ਕਾਂਗਰਸ ਨੇ ਸਖ਼ਤ ਆਲੋਚਨਾ ਕੀਤੀ ਹੈ। ਹਾਲਾਂਕਿ, ਟੀਐਮਸੀ ਨੇ ਹੁਮਾਯੂੰ ਕਬੀਰ ਦੀ ਟਿੱਪਣੀ ਤੋਂ ਆਪਣੇ ਆਪ ਨੂੰ ਦੂਰ ਕਰ ਲਿਆ ਹੈ ਅਤੇ ਇਸਨੂੰ ਆਪਣੀ ਨਿੱਜੀ ਰਾਏ ਦੱਸਿਆ ਹੈ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
