ਸਿਡਨੀ, (ਸਮਾਜ ਵੀਕਲੀ): ਆਸਟਰੇਲੀਆ ਦੇ ਕੁਈਨਜ਼ਲੈਂਡ ਸੂਬੇ ਵਿਚ ਇਕ ਹਲਕਾ ਹਵਾਈ ਜਹਾਜ਼ ਤੱਟ ਲਾਗੇ ਸਮੁੰਦਰ ਵਿਚ ਹਾਦਸਾਗ੍ਰਸਤ ਹੋ ਗਿਆ। ਹਾਦਸੇ ’ਚ ਦੋ ਬੱਚਿਆਂ ਸਣੇ ਚਾਰ ਦੀ ਮੌਤ ਹੋ ਗਈ। ਪੁਲੀਸ ਮੁਤਾਬਕ ਜਹਾਜ਼ ਚਾਰ ਸੀਟਾਂ ਵਾਲਾ ‘ਰੌਕਵੈੱਲ’ ਸੀ ਤੇ ਇਹ ਬ੍ਰਿਸਬਨ ਤੋਂ 20 ਮੀਲ ਦੂਰ ਰੈੱਡਕਲਿਫ਼ ਦੇ ਰਨਵੇਅ ਨੇੜੇ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਗੋਤਾਖੋਰਾਂ ਨੂੰ 69 ਸਾਲਾ ਪਾਇਲਟ ਸਣੇ ਦੋ ਬਾਲਗਾਂ ਦੀਆਂ ਦੇਹਾਂ ਮਿਲੀਆਂ ਹਨ। ਸਮੁੰਦਰ ਤੱਟ ਨੇੜਿਓਂ ਦੋ ਬੱਚਿਆਂ ਦੀਆਂ ਲਾਸ਼ਾਂ ਮਲਬੇ ਵਿਚੋਂ ਮਿਲੀਆਂ ਹਨ। ਮ੍ਰਿਤਕ ਬੱਚੇ ਕਾਫ਼ੀ ਘੱਟ ਉਮਰ ਦੇ ਸਨ। ਆਸਟਰੇਲੀਆ ਦੇ ਟਰਾਂਸਪੋਰਟ ਸੁਰੱਖਿਆ ਬਿਊਰੋ ਮੁਖੀ ਕਮਿਸ਼ਨਰ ਐਂਗਸ ਮਿਸ਼ੇਲ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
