(ਸਮਾਜ ਵੀਕਲੀ)
ਇਹਯੋ ਇੱਕ ਸਵਾਲ ਏ ਭਾਈਆ
ਭੁੱਖ ਏ ਨੰਗ ਏ ਕਾਲ਼ ਏ ਭਾਈਆ
ਜੀੰਦੇ ਜੀ ਜੰਜਾਲ ਕੀ ਕੱਢੀਏ
ਜੀਵਣ ਆਪ ਜੰਜਾਲ ਏ ਭਾਈਆ
ਤੂੰ ਆਹਨਾ ਏੰ ਰੱਬ ਨੂੰ ਲਭੀਏ
ਮੈਨੂੰ ਆਪਣੀ ਭਾਲ਼ ਏ ਭਾਈਆ
ਰੋਂਦਾ ਵੇਖ ਕੇ ਹਸਣਾ ਕਾਹਦਾ
ਦੁੱਖ ਸੁੱਖ ਹਰ ਦੇ ਨਾਲ ਏ ਭਾਈਆ
ਹਾਕਿਮ ਦਾ ਮਫ਼ਹੂਮ ਏ ਜ਼ਾਲਮ
ਕੇਡਾ ਸੱਚ ਖਿਆਲ ਏ ਭਾਈਆ
ਦਾਲ਼ ਇਚ ਨਹੀਂ ਏ ਕਾਲ਼ਾ ਕਾਲ਼ਾ
ਕਾਲ਼ੀ ਸਾਰੀ ਦਾਲ਼ ਏ ਭਾਈਆ
ਹਰ ਦੀ ਬਾਂਹ ਏ ਸਿਰ ਦੇ ਉੱਤੇ
ਹਰ ਦਾ ਇਹੋ ਹਾਲ ਏ ਭਾਈਆ
ਤੂੰ ਕੋਹਵੇਂ ਤੇ ਮੈਂ ਸਿਰ ਚਾਵਾਂ
ਮੇਰੀ ਕਦਣ ਮਜਾਲ ਏ ਭਾਈਆ
ਜੋ ਸ਼ੀਰਾਜ਼ ਦੇ ਨਾਲ ਤੂੰ ਚੱਲੀ
ਇਹ ਵੀ ਸਹੁਣੀ ਚਾਲ ਏ ਭਾਈਆ
ਮਜ਼ਹਰ ਸ਼ੀਰਾਜ਼ (ਲਹਿੰਦਾ ਪੰਜਾਬ)
+92 345 4216319
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
