ਕਪੂਰਥਲਾ / ਸੁਲਤਾਨਪੁਰ ਲੋਧੀ (ਸਮਾਜ ਵੀਕਲੀ) ( ਕੌੜਾ ) – ਪਿੰਡ ਮਿਰਜਾਪੁਰ ਦੇ ਵਾਤਾਵਰਣ ਪ੍ਰੇਮੀ ਸਵ. ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਵਿੱਚ ਕਾਂਗਰਸ ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਤੋਂ ਇਲਾਵਾ ਵੱਖ ਵੱਖ ਜੱਥੇਬੰਦੀਆਂ ਦੇ ਆਗੂਆਂ ਨੇ ਸ਼ਾਮਲ ਹੋ ਕੇ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਇਸ ਮੋਕੇ ਵਿਧਾਇਕ ਰਾਣਾ ਨੇ ਅਪਣੇ ਸੰਬੋਧਨ ਵਿੱਚ ਕਿਹਾ ਕਿ ਸਵ. ਜੋਗਿੰਦਰ ਸਿੰਘ ਦਾ ਸਾਰਾ ਜੀਵਨ ਵਾਤਾਵਰਣ ਸੁਧਾਰ ਦੇ ਕਾਰਜਾਂ ਨੂੰ ਸਮਰਪਿਤ ਰਿਹਾ। ਉਹਨਾਂ ਕਿਹਾ ਕਿ ਜੋਗਿੰਦਰ ਸਿੰਘ ਵਲੋਂ ਵਾਤਾਵਰਣ ਸੁਧਾਰ ਲਈ ਕੀਤੀ ਕਾਰਜਾਂ ਤੋਂ ਹਰ ਨੋਜਵਾਨ ਨੂੰ ਸੇਧ ਲੈਕੇ ਵੱਧ ਤੋਂ ਵੱਧ ਬੂਟੇ ਲਗਾਉਣ ਦੇ ਯਤਨ ਕਰਦੇ ਰਹਿਣਾ ਚਾਹੀਦਾ ਹੈ। ਪੈਨਸ਼ਨਰਜ ਐਸੋਸੀਏਸ਼ਨ ਅਤੇ ਉਘੇ ਕਿਸਾਨ ਆਗੂ ਮਾਸਟਰ ਸੁੱਚਾ ਸਿੰਘ ਮਿਰਜਾਪੁਰ ਨੇ ਕਿਹਾ ਕਿ ਸਵ ਜੋਗਿੰਦਰ ਸਿੰਘ ਦੇ ਪਰਿਵਾਰਕ ਮੈਂਬਰਾਂ ਨੂੰ ਆਪਣੀ ਹਰ ਮੋਟਰ ਤੇ ਬੂਟੇ ਲਗਾਉਣ ਦੀ ਅਪੀਲ ਕੀਤੀ ਅਤੇ ਨਗਰ ਨਿਵਾਸੀਆਂ ਨੂੰ ਵੀ ਮੋਟਰਾਂ ਤੇ ਪਿਪਲ ਤੇ ਬੋਹੜ ਦੇ ਰੁੱਖ ਲਗਾਉਣ ਲਈ ਕਿਹਾ ਉਹਨਾਂ ਕਿਹਾ ਕਿ ਹਰ ਕਿਸਾਨ ਨੂੰ ਆਪਣੀ ਮੋਟਰ ਤੇ ਵੱਧ ਤੋਂ ਵੱਧ ਰੁੱਖਾ ਨੂੰ ਲਗਾਉਣਾ ਚਾਹੀਦ ਹੈ।
ਰੀਡਰ ਮੋਹਣ ਸਿੰਘ ਨੇ ਸ਼ਰਧਾਂਜਲੀ ਸਮਾਗਮ ਵਿੱਚ ਸੰਬੋਧਨ ਕਰਦਿਆਂ ਕਿਹਾ ਕਿ ਸਵ. ਜੋਗਿੰਦਰ ਸਿੰਘ ਨੇ ਅਪਣੇ ਜੀਵਨ ਵਿੱਚ ਸਖਤ ਮੇਹਨਤ ਕੀਤੀ ਅਤੇ ਉਹ ਵਾਤਾਵਰਣ ਦੇ ਨਾਲ ਨਾਲ ਪਾਣੀ ਨੂੰ ਬਚਾਉਣ ਦੇ ਯਤਨ ਕਰਦੇ ਰਹੇ, ਉਹਨਾਂ ਦੇ ਯਤਨਾਂ ਨੂੰ ਪਰਿਵਾਰ ਦੇ ਮੈਂਬਰਾਂ ਨੂੰ ਅੱਗੇ ਲੈਕੇ ਜਾਣਾ ਚਾਹੀਦਾ ਹੈ। ਇਸ ਮੌਕੇ ਲੰਬੜਦਾਰ ਜੀਤ ਸਿੰਘ, ਗੁਰਦੀਪ ਸਿੰਘ ਅਤੇ ਮਾਸਟਰ ਸੁਰਿੰਦਰ ਸਿੰਘ ਨੇ ਸਮਾਗਮ ਵਿੱਚ ਸ਼ਾਮਲ ਹੋਈਆਂ ਸ਼ਖਸੀਅਤਾਂ ਨੂੰ ਸਿਰੋਪਾਓ ਭੇਟ ਕੀਤੇ। ਇਸ ਤੋਂ ਪਹਿਲਾਂ ਗੁਰਦੁਆਰਾ ਸਾਹਿਬ ਵਿਖੇ ਸ਼੍ਰੀ ਆਖੰਡ ਪਾਠ ਸਾਹਿਬ ਦੇ ਭੋਗ ਉਪਰੰਤ ਅਰਦਾਸ ਤੇ ਕੀਰਤਨ ਰਾਹੀਂ ਵਾਹਿਗੁਰੂ ਦਾ ਗੁਣਗਾਨ ਕੀਤਾ ਗਿਆ ਇਸ ਮੋਕੇ ਲੰਬੜਦਾਰ ਸਰਿੰਦਰ ਸਿੰਘ ਸੋਢੀ,ਸਰਪੰਚ ਮੋਹਣ ਸਿੰਘ ਰੀਡਰ, ਤਰਲੋਕ ਸਿੰਘ ਕਨੇਡਾ ਵਾਲੇ,ਮੋਹਣ ਸਿੰਘ ਡੀ, ਐਸ, ਪੀ,ਪਰਮਜੀਤ ਸਿੰਘ ਲੰਬੜਦਾਰ,ਅਸ਼ੋਕ ਕੁਮਾਰ ਮੋਗਲਾ ,ਮਹਿੰਦਰ ਸਿੰਘ,ਮਾਸਟਰ ਹਰੀਸ਼ ਕੁਮਾਰ,ਹਰਦੀਪ ਸਿੰਘ,ਜਗਰੂਪ ਸਿੰਘ, ਭੁਪਿੰਦਰ ਸਿੰਘ, ਜੀਤ ਸਿੰਘ ਤਲਵੰਡੀ ਚੌਧਰੀਆਂ,, ਸੁੱਚਾ ਸਿੰਘ, ਜਸਬੀਰ ਸਿੰਘ,ਨਰਿੰਦਰ ਸਿੰਘ ਬਿੱਟੂ, ਦਵਿੰਦਰ ਸਿੰਘ ਕੁਲੀਆਂ ਨਰਿੰਦਰ ਸਿੰਘ ਬਾਜਵਾ,ਜਤਿੰਦਰ ਸਿੰਘ ਥਿੰਦ, ਹਰਮੀਤ ਸਿੰਘ ਯੂ, ਪੀ, ਕੁਲਜੀਤ ਸਿੰਘ, ਸੰਦੀਪ ਕੋਰ ਆਦਿ ਹਾਜ਼ਰ ਸਨ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
